សារធាតុ Dopamine អាចជួយលើកកម្ពស់អារម្មណ៍ល្អប្រសើរ ប៉ុន្តែថាតើអាហារអ្វីខ្លះជួយលើកកម្ពស់សារធាតុនេះក្នុងរាងកាយ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីប្រភេទនៃអាហារដែលជួយបង្កើនកម្រិតសារធាតុ Dopamine ឬអ័រម៉ូនរីករាយ ៖
១. ផលិតផលអាហារផ្សំឡើងពីទឹកដោះគោ
រួមបញ្ចូលទាំងឈីស, ទឹកដោះគោ និងយ៉ាអួរ។ ឈីសមានផ្ទុកសារធាតុ tyramine ដែលបំលែងទៅជា dopamine ក្នុងរាងកាយ។ អាហារមានផ្ទុកប្រូបាយទិកដូចជាយ៉ាអួរក៏ជួយបង្កើនកម្រិតនៃសារធាតុ dopamine ផងដែរ។
២. គ្រាប់ធញ្ញជាតិ
មានផ្ទុកសម្បូរទៅដោយវីតាមីន B6 ដែលជួយរាងកាយបង្កើនការផលិតសារធាតុ dopamine។ គ្រាប់ធញ្ញជាតិក៏មានផ្ទុកអាស៊ីតខ្លាញ់អូមេហ្កា ៣ និងសារធាតុ folate ដែលជួយដល់ការផលិតសារធាតុ dopamine។ ទោះជាយ៉ាងណា អ្នកមិនគួរទទួលទានលើសពីមួយក្ដាប់ដៃពេញក្នុងមួយថ្ងៃឡើយ។
៣. ត្រីសម្បូរខ្លាញ់
រួមមានត្រីសាលម៉ុននិងត្រីធូណាជាដើម គឺមានផ្ទុកសម្បូរទៅដោយអាស៊ីតខ្លាញ់អូមេហ្កា ៣ ដែលល្អសម្រាប់រក្សាកម្រិតអ័រម៉ូន dopamine ក្នុងរាងកាយ។
៤. សូកូឡាខ្មៅ
Dopamine នឹងត្រូវបានបញ្ចេញក្រោយពេលទទួលទានសូកូឡាខ្មៅ ហើយអ្នកនឹងមានអារម្មណ៍ប្រសើរជាងមុន។ គ្រាន់តែប្រាកដថា អ្នកបានជ្រើសរើសនូវសូកូឡាដែលផ្សំឡើងពីកាកាវយ៉ាងហោចណាស់ ៧០ ភាគរយ ប្រសិនបើអ្នកចង់ជៀសឆ្ងាយពីបញ្ហាឆាប់ខឹងឆេវឆាវបានយ៉ាងឆាប់រហ័សប្រកបដោយប្រសិទ្ធិភាពខ្ពស់។
៥. បន្លែផ្លែឈើ
ក្រៅពីសារធាតុប្រឆាំងអុកស៊ីតកម្ម បន្លែផ្លែឈើក៏មានផ្ទុកសារធាតុចិញ្ចឹមផ្សេងទៀតដែលជួយដល់ការបញ្ចេញអ័រម៉ូនរីករាយ ឬសារធាតុ dopamine ផងដែរ។ សូម្បីតែផ្លែចេកក៏មានផ្ទុកកម្រិតនៃសារធាតុ dopamine ខ្ពស់ផងដែរ។
៦. តែបៃតង
ជាតិកាហ្វេអ៊ីនទាបនៅក្នុងតែបៃតងអាចជួយលើកកម្ពស់អារម្មណ៍ល្អប្រសើរ ជម្រុញការចងចាំ និងបង្កើនមុខងារខួរក្បាល។ លើសពីនេះទៅទៀត តែបៃតង ក៏ជាប្រភពនៃអាស៊ីតអាមីណូ L-theanine ដែលមានប្រសិទ្ធិភាពរារាំងបញ្ហាថប់អារម្មណ៍មិនអោយកើតមាន។ ការសិក្សាបានបង្ហាញថា ជាតិកាហ្វេអ៊ីន និងសារធាតុ L-theanine អាចមានឥទ្ធិពលបញ្ចូលគ្នា ក្នុងការពង្រឹងដល់មុខងាររបស់ខួរក្បាល។ ហើយដោយសារតែបរិមាណនៃសារធាតុ L-theanine និងជាតិកាហ្វេអ៊ីនមានកម្រិយសមល្មមទើបធ្វើអោយតែបៃតងអាចផ្តល់នូវឥទ្ធិពលល្អជាង និងខុសគ្នាពីកាហ្វេ។
៧. ទឹក
ជាភេសជ្ជៈដែលងាយនឹងរកបានបំផុត។ ការទទួលទានទឹកឱ្យបានគ្រប់គ្រាន់ គឺចាំបាច់ណាស់ដើម្បីបន្ថយឥទ្ធិពលនៃភាពស្ត្រេសលើសុខភាពរាងកាយនិងផ្លួវចិត្ត។ គួរបញ្ជាក់ផងដែរថាកង្វះជាតិទឹកក្នុងរាងកាយក៏ជាមូលហេតុទូទៅបំផុតមួយនៃបញ្ហាស្ត្រេសផងដែរ៕