Join with Health.com.kh on Telegram

ប៉ូតាស្យូម គឺជាសារធាតុចិញ្ចឹមដ៏សំខាន់បំផុតមួយសម្រាប់គ្រប់គ្រងអេឡិចត្រូលីត្រ សារធាតុរាវ សម្ពាធឈាម ភាពរួញនៃសាច់ដុំ ការកន្ត្រាក់នៃសាច់ដុំ និងតុល្យភាពនៃជាតិរ៉ែក្នុងរាងកាយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដូច្នេះការរក្សាបាននូវជាតិប៉ូតាស្យូមគ្រប់គ្រាន់ចាំបាច់ណាស់ដើម្បីចៀសផុតបញ្ហាសុខភាពគួរឱ្យព្រួយបារម្ភផ្សេងៗ។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារដែលមានផ្ទុកសម្បូរទៅដោយជាតិប៉ូតាស្យូម ៖

១. ស្ពៃពួយឡេង

ប្រមាណ ៣០ក្រាមនៃស្ពៃពួយឡេងមានផ្ទុកប៉ូតាស្យូមដល់ទៅ ១៦៧មីលីក្រាមដែលស្មើនឹង ៥ភាគរយនៃតម្រូវការជាតិរ៉ែនេះប្រចាំថ្ងៃ។ បន្លែបៃតងនេះក៏ជាប្រភពដ៏ប្រសើរនៃជាតិដែកនិងកាល់ស្យូមផងដែរ។ ជាតិដែកល្អសម្រាប់រក្សាសុខភាពសក់ ទប់ស្កាត់អាការៈឆាប់ហត់អស់កម្លាំង និងកាត់បន្ថយហានិភ័យនៃជំងឺខ្វះគ្រាប់ឈាមក្រហម ខណៈដែលកាល់ស្យូមគាំទ្រឆ្អឹង ធ្មេញ និងសាច់ដុំបេះដូង។

២. ផ្លែបឺរ

ក្រៅពីជាតិប៉ូតាស្យូម ផ្លែបឺរក៏ជាប្រភពដ៏ល្អបំផុតមួយនៃសារធាតុចិញ្ចឹម ជាតិរ៉ែ វីតាមីនដែលចាំបាច់សម្រាប់រក្សាបាននូវសុខភាពរឹងមាំប្រសើរផងដែរ។

៣. ផ្លែចេក

ភាគច្រើននៃពួកយើងសុទ្ធតែដឹងហើយថា ចេកជាផ្លែឈើមួយប្រភេទដែលមានផ្ទុកសម្បូរទៅដោយជាតិប៉ូតាស្យូម។ ចេកក៏ជាអាហារសម្រន់ដ៏ល្អបំផុតមួយដែលអាចផ្ដល់ឱ្យរាងកាយនូវថាមពលបានយ៉ាងឆាប់រហ័សផងដែរ។ ក្រៅពីប៉ូតាស្យូមនិងថាមពល ចេកជាប្រភពដ៏ប្រសើរនៃវីតាមីន B6 វីតាមីន C និងជាតិសសៃ។

៤. ដំឡូងផ្អែម

ត្រឹម ១៣៣ក្រាមនៃដំឡូងផ្អែមមានផ្ទុកប៉ូតាស្យូមដល់ទៅ ៤៤៨មីលីក្រាមដែលស្មើនឹង ១៣ភាគនៃតម្រូវការជាតិរ៉ែនេះប្រចាំថ្ងៃ។ ដូច្នេះដើម្បីជាការប្រសើរកុំភ្លេចរួមបញ្ចូលអាហារមើមនេះក្នុងរបបអាហារប្រចាំថ្ងៃ។

៥. សណ្ដែក

សណ្ដែកក៏ជាអាហារដែលមានផ្ទុកសម្បូរទៅប៉ូតាស្យូមគួរឱ្យកត់សម្គាល់។ ក្រៅពីផ្ដល់ជាតិប៉ូតាស្យូម ការទទួលទានសណ្ដែក គឺល្អសម្រាប់សុខភាពបេះដូងតាមរយៈបរិមាណខ្ពស់នៃជាតិសសៃដែលវាមានផ្ទុក។

៦. ការ៉ុត

ប្រមាណ ២៣៦ក្រាមនៃការ៉ុតមានផ្ទុកប៉ូតាស្យូមដល់ទៅ ៦៨៩មីលីក្រាមដែលស្មើនឹង ២០ភាគរយនៃតម្រូវការប្រចាំថ្ងៃ។ បន្លែមើមនេះក៏ជាប្រភពដ៏ប្រសើរនៃវីតាមីន A និងសារធាតុប្រឆាំងអុកស៊ីតកម្មផ្សេងទៀតដូចជា beta-carotene សារធាតុ lutein និង zeaxanthin ដែលល្អសម្រាប់សុខភាពភ្នែក។ សារធាតុប្រឆាំងអុកស៊ីតកម្មក៏ជួយប្រឆាំងជំងឺមហារីកផងដែរ។

៧. ទឹកដូង

ទឹកដូងត្រឹមតែមួយពែងមានផ្ទុកជាតិប៉ូតាស្យូមដល់ទៅ ៦០០ មីលីក្រាមឯណោះ។ អ្វីដែលសំខាន់នោះ គឺភេសជ្ជៈនេះមានផ្ទុកកាឡូរី ឬជាតិស្ករទាប។

៨. ត្រី

ត្រីភាគច្រើនអាចផ្ដល់ឱ្យរាងកាយនូវជាតិប៉ូតាស្យូមចាំបាច់ប្រចាំថ្ងៃយ៉ាងហោចណាស់ ១០ ភាគរយ។ ត្រីក៏ជាប្រភពនៃវីតាមីន D និងអាស៊ីតខ្លាញ់អូមេហ្គា ៣ ល្អចំពោះសុខភាពផងដែរ។ ដូច្នេះកុំភ្លេចរួមបញ្ចូលត្រីក្នុងរបបអាហារ។

៩. ផ្លែទទឹម

ត្រឹម ២៨២ក្រាមនៃផ្លែទទឹមមានផ្ទុកប៉ូតាស្យូមដល់ទៅ ៦៦៦មីលីក្រាមដែលស្មើនឹង ១៩ភាគរយនៃតម្រូវការជាតិរ៉ែនេះប្រចាំថ្ងៃ។ ផ្លែទទឹមមានផ្ទុកសម្បូរទៅដោយសារធាតុ flavonols មានឥទ្ធិពលប្រឆាំងអុកស៊ីតកម្មដែលជួយប្រយុទ្ធប្រឆាំងការរលាកនិងស្ថានភាពដែលពាក់ព័ន្ធដូចជាជំងឺរលាកសន្លាក់។ សារធាតុប្រឆាំងអុកស៊ីតកម្មនេះក៏ល្អសម្រាប់ខួរក្បាលជួយបង្កើនការចងចាំផងដែរ៕