ក្រុមអ្នកស្រាវជ្រាវអាមេរិកនិយាយថា អារម្មណ៍ដែលចង់លេងកម្មវិធីបណ្តាញសង្គមឬឆែកមើលអ៊ីម៉េលអាចនឹងខ្លាំងជាងអារម្មណ៍ដែលទាមទាររកសុរានិងបារីទៅទៀត។
ពួកគេបានសិក្សាពីសមត្ថភាពរបស់មនុស្សចំនួន ២០៥នាក់ ដែលមានអាយុពី ១៨ ទៅ ៨៥ឆ្នាំ ដើម្បីតតាំងនឹងចំណង់របស់ពួកគេក្នុងរយៈពេលប្រាំពីរថ្ងៃ។ ថ្ងៃកាន់តែខិតទៅមុខ ប៉ុន្តែសមត្ថភាពក្នុងការគ្រប់គ្រងការប្តេជ្ញាចិត្តរបស់ពួកគេកាន់តែចុះខ្សោយ។
ការសិក្សានេះបានឱ្យដឹងថា ការគេងនិងពេលទំនេរគឺជាចំណង់ដែលមានបញ្ហាខ្លាំងបំផុត ហើយការប្រើប្រាស់ឧបករណ៍ព័ត៌មានអេឡិចត្រូណិចមាន “អត្រាគ្រប់គ្រងខ្លួនឯងមិនបានសម្រេច” ខ្ពស់បំផុត។
ក្រុមដែលដឹកនាំដោយ វីលហេម ហុហ្វមេន (Wilhelm Hofmann) នៃសាកលវិទ្យាល័យស៊ីកាហ្គូ បាននិយាយថា “ការតតាំងនឹងចំណង់ធ្វើការក៏ងាយនឹងបរាជ័យដែរ។ ផ្ទុយទៅវិញ មនុស្សយើងច្រើនតែទទួលជោគជ័យក្នុងការប្រឆាំងនឹងការចូលចិត្តកីឡា ចំណង់ផ្នែកផ្លូវភេទ និងចំណង់នៃការចំណាយ”។