Join with Health.com.kh on Telegram

ការសិក្ស​ថ្មី​មួយ​ណែនាំ​ថា ការ​លែងលះ​នៅ​វ័យក្មេង​បង្ករ​ឱ្យមាន​គ្រោះថ្នាក់​ច្រើន​ដល់​សុខភាព​ជាង​ការ​លែងលះ​នៅ​ក្នុង​វ័យ​ចំណាស់ នេះ​ប្រហែលជា​ដោយសារតែ​មនុស្ស​ចាស់​មា​ន​ជំនាញ​ប្រឈមមុខ​នឹង​បញ្ហា​ច្រើន​ជាង​ក្នុង​ការដោះស្រាយ​ជាមួយ​នឹង​ស្ត្រេ​ស​នៃ​ការ​លែងលះ​។​

​ ​សង្គម​វិទូ Hui Liu នៅ​សាកលវិទ្យាល័យ Michigan បាន​ធ្វើការ​វិភាគ​លើ​សុខភាព​របស់​មនុស្ស ១.២៨២​នាក់ ដែល​បាន​ចូលរួម​ក្នុង​ការស្ទង់មតិ​ជាតិ​រយៈ​វែង​ហៅថា ជីវិត​ផ្លាស់ប្តូរ​របស់​ប្រជាជន​អាមេរិក​។ គាត់​បាន​ប្រៀបធៀប​សុខភាព​របស់​អ្នក​ដែល​រស់នៅ​ក្នុង​ជីវិត​អាពាហ៍ពិពាហ៍​ក្នុង​រយៈពេល ១៥​ឆ្នាំ​នៃ​ការសិក្សា​នេះ និង​អ្នក​ដែល​លែងលះ​។​

​ ​ក្នុង​ចំណោម​អ្នក​ដែល​កើត​ក្នុង​កំឡុង​ទសវត្សរ៍​ទី ៥០ អ្នក​ដែល​លែងលះ​នៅ​ចន្លោះ​អាយុ​ពី ៣៥ ទៅ ៤១​ឆ្នាំ មាន​បញ្ហា​សុខភាព​ច្រើន​ជាង​អ្នក​ដែល​លែងលះ​នៅ​ចន្លោះ​អាយុ​ពី ៤៤ ទៅ ៥០​ឆ្នាំ​។ ក្រុម​ទាំង​ពីរ​មាន​បញ្ហា​សុខភាព​ច្រើន​ជាង​អ្នក​ដែល​រស់នៅ​ក្នុង​ជីវិត​អាពាហ៍ពិពាហ៍​។​

​ ​សង្គម​វិទូ Liu បាន​និយាយថា “​ខ្ញុំ​សង្ឃឹមទុក​មុន​ថា​ការ​លែងលះ​អាច​នឹង​ធ្វើឱ្យ​កម្រិត​ស្តេស​ទាប​ក្នុងចំណោម​មនុស្ស​វ័យក្មេង ព្រោះ​ការ​លែងលះ​ច្រើន​កើតឡើង​ចំពោះ​ពួកគេ ប៉ុន្តែ​វា​បែរ​ជាង​ផ្ទុយ​ពី​ការគិត​របស់ខ្ញុំ​ទៅវិញ​”​។​

​ ​ដោយសារ​តែ​សម្ពាធ​នៃ​អាពាហ៍ពិពាហ៍​និង​ការរស់នៅ​ក្នុង​ជីវិត​អាពាហ៍ពិពាហ៍​មាន​កម្រិត​ខ្លាំង​ក្នុង​ចំណោម​មនុស្ស​ចាស់ អ្នក​ដែល​លែងលះ​ប្រហែលជា​បាន​រស់នៅ​ក្នុង​ជីវិត​អាពាហ៍ពិពាហ៍​ដែល​មិន​សប្បាយចិត្ត​បំផុត ហើយ​មាន​អារម្មណ៍​ធូរស្បើយ​នៅពេល​ដែល​ជីវិត​អាពាហ៍ពិពាហ៍​បាន​បញ្ចប់​។​

​ ​សរុបមក អ្នក​ដែល​លែងលះ​ក្នុងកំឡុងពេល​សិក្សា​មាន​បញ្ហា​សុខភាព​ច្រើនជាង​អ្នក​ដែល​មិន​លែងលះ​។ ប៉ុន្តែ​សុខភាព​អ្នក​ដែល​រស់នៅ​ក្នុង​ស្ថានភាព​លែងលះ​ពេញ​មួយ​រយៈពេល​សិក្សា​មិន​មាន​ភាពខុសគ្នា​ជាង​អ្នក​ដែល​មិន​លែងលះ​នោះទេ​។​

​ ​សង្គម​វិទូ Liu និយាយថា “​វា​អាច​ណែនាំ​ថា វា​មិនមែន​មក​ពី​ការ​លែងលះ​ឬ​ការ​នៅ​ជាមួយគ្នា​ដែល​ប៉ះពាល់​ដល់​សុខភាព​នោះទេ ប៉ុន្តែ​ជំនួស​ទៅ​វិញ​វា​គឺ​ដោយសារ​ដំណើរការ​នៃ​ការផ្លាស់ប្តូរ​ពី​ការរៀប​ការ​ទៅ​ការ​លែងលះ​ដែល​បង្ករ​ភាព​តានតឹង​និង​ប៉ះពាល់​ដល់​សុខភាព​”​។