Join with Health.com.kh on Telegram

មាន​អ្នក​ម្តាយ​មួយចំនួន​ព្រោះ​តែ​ចង់​ផ្គត់ផ្គង់​គ្រួសារ ក្រោយពេល​ដែល​សម្រាល​បាន​មួយខែ គេ​ក៏​ចាប់ផ្តើម​ចេញ​ទៅ​ធ្វើ​ការងា​រហើយ ដូចនេះ​ធ្វើ​ឲ្យ​កូន​មិន​អាច​បៅ​ទឹកដោះ​របស់​អ្នក​ម្តាយ​ផ្ទាល់​ទេ​។ តើ​គួរតែ​ធ្វើ​ដូចម្តេច​ទើប​អាច​ឲ្យ​កូន​បៅ​ទឹក​ដោះ​អ្នក​បាន​នោះ​?

​ប្រសិន​ជា​អ្នក​ជា​បុគ្គលិក​ក្រុមហ៊ុន អ្នក​អាច​ពេលព្រឹក​ច្របាច់​ទឹកដោះ​អ្នកចេញ​ទុក​ក្នុង​ដប​មួយ​ដើម្បី​ឲ្យ​កូន​បៅ លុះ​នៅ​ពេល​ដែល​អ្នក​ទៅ​ដល់​ក្រុមហ៊ុន អ្នក​អាច​ច្របាច់​ម្តងទៀត​នៅពេល​ថ្ងៃត្រង់ ដើម្បី​អាច​យក​ឲ្យ​កូន​បៅបាន​ទាន់ពេល​។ លុះ​នៅ​ពេល​ដែល​អ្នក​ត្រឡប់ទៅផ្ទះ​វិញ អ្នក​អាច​ឲ្យ​កូន​បៅ​ដោយ​ផ្ទាល់​បាន​។ ម្យ៉ាងទៀត​អ្នក​ត្រូវតែ​ញ៉ាំ​ទឹក​ឲ្យបាន​ច្រើន ទើប​សុដន់​អ្នក​មិន​មាន​លក្ខណៈ​រឹង​ដែល​ធ្វើឲ្យ​អ្នក​ពិបា​កច្របាច់ទឹក​ដោះចេ​ញ​។ ជាងនេះទៅទៀត អ្នក​ត្រូវ​តែ​រៀន​ចេះ​ច្របាច់​ទឹក​ដោះ​ចេញ​ដោយ​ប្រើ​ដៃ មិន​ត្រូវ​ពឹង​តែ​ម៉ាស៊ីន​ឡើយ ព្រោះ​វា​អាច​ចេញ​យឺត​ជាង​អ្នក​ប្រើ​ដៃ​៕