Join with Health.com.kh on Telegram

​ភាពធាត់​ជ្រុល​នៅ​ក្នុង​វ័យ​កុមារភាព អាច​ធ្វើ​អោយ​កូនៗ​របស់​លោក​អ្នក ប្រឈម​នឹង​ផល​លំបាក ផ្នែក​រាង កាយ​,  ផ្នែក​សង្គម និង សុមា​ល​ភាព​ផ្លូវចិត្ត​របស់​ពួកគេ ។​

ផល​លំបាក ចំពោះ​ស្ថានភាព​រាងកាយ​
​មានការ​ប្រឈម​នឹង ជំងឺ​ទឹកនោម​ផ្អែម​ប្រភេទ​ទី​ពីរ​។ ជំងឺ​ទឺកនោម​ផ្អែម​ប្រភេទ​នេះ ដែល​បាន​កើត ចំពោះ​កុមារ គឹ​មាន​សភាព​រុំ​ា​រ៉ៃ ដែល​អាច​នឹង​ប៉ះពាល់​ដល់ ដំណើរការ​របស់​រាង​កាយ​ពួកគេ ក្នុងការ រំលាយ​ជាតិ​ស្ករ (​គ្លុយកូស​) ។ ជំងឺ​ទឹកនោម​ផ្អែម​ប្រភេទ​ទី​ពីរ ត្រូវ​បាន​កើតឡើង ដោយសារ ផ្នែក​មួយ​នៃ​ការ​មិន​បាន​ទទួលទាន​អាហារ បាន​ត្រឹមត្រូវ និង ជារឿយៗ​វា​ត្រូវ​បាន កែប្រែ​វិញ​បាន ដោយ​ការ ទទួលទាន​អាហារ ដែល​ផ្តល់​ផល​ល្អ​ចំពោះ​សុខភាព និង ការធ្វើ​លំ​ហា​ត់ ប្រាណ​អោយបាន​ទៀត​ទាត់ ។​

Metabolic syndrome ។ ស្ថានភាព​នេះ វា​មិនមែន​ជា​ជំងឺ​នោះ​ទេ ប៉ុន្តែ​ស្ថានភាព​ជា​ច្រើន​របស់​វា  អាច​ធ្វើ​អោយ​កូនៗ​របស់​លោក​អ្នក ស្ថិត​ក្នុង​ការ​ប្រឈម​នឹង​គ្រោះថ្នាក់​ខ្ពស់​នៃ ការវិវត្តន៍​មាននូវ ជំងឺ​បេះដូង​, ជំងឺ​ទឹកនោម​ផ្អែម និង បញ្ហា​សុខភាព​ដទៃៗ​ទៀត​។ ប្រភព​នៃ​បញ្ហា​ទាំងនោះ​រួមមាន ដូចជា​៖ សម្ពាធ​ឈាម​ឡើង​ខ្ពស់​, កម្រិត​ជាតិ​ស្ករ​ក្នុង​ឈាម​ខ្ពស់​, មាន​ជា​តិកូ​ឡេ​ស្តេ​រ៉ូល​ខ្ពស់ និង មាន​ខ្លាញ់​ច្រើន នៅក្នុង​ពោះ​។​

​មាន​សម្ពាធ​ឈាម និង កម្រិត​កូ​ឡេ​ស្តេ​រ៉ូល​ឡើង​ខ្ពស់​។ កូន​របស់​អ្នក អាច​នឹង​មាន​ការវិវត្ត​ន៍ នូវ​ជំងឺ លើស​សម្ពាធ​ឈាម ឬ កើនឡើង​នូវ​កម្រិត​កូ​ឡេ​ស្តេ​រ៉ូល ប្រសិនបើ ពួកគេ​មិន​បាន​ទទួលទាន អាហារ​បាន​ត្រឹមត្រូវ​នោះទេ​។ កត្តា​ទាំង​នេះ អាចរួមចំណែក ក្នុង​ការបង្កើន​នូវ​ដុំ​កំណក នៅក្នុង​ស​សៃឈា​ម​អាទែ ដែល​វា​អាច​ធ្វើអោយ​ស​សៃឈាម​តូចចង្អៀត និង ឡើង​រឹង  ហើយ ស្ថានភាព​នេះ នឹង​អាច​ធ្វើអោយ​កូន​របស់​អ្នក មាន​ជំងឺ​គាំងបេះដូង ឬ ដាច់​ស​សៃឈា​ម​នៅក្នុង ខួរក្បាល នា​ប៉ុន្មាន​ឆ្នាំ​ក្រោយមក នៅក្នុង​ជីវិត​របស់​ពួកគេ ។​

​មាន​ជំងឺហឺត និង បញ្ហា​ក្នុង​ការដកដង្ហើម​ផ្សេងៗ​ទៀត ។ ការកើនឡើង​នូវ​ទំងន់​បន្ថែម ទៅលើ រាងកាយ​របស់​ពួកគេ គឺ​អាច​នាំ​យក​មក​នូវ​បញ្ហា ជាមួយ​នឹង​ការវិវត្តន៍ និង សុខភាព​របស់​សួត​ដែល វា​អាច​នឹង ធ្វើអោយ​ពួកគេ​មាន​ជំងឺហឺត ឬ ប្រឈម​នឹង​បញ្ហា​ក្នុង​ការដកដង្ហើម​ដទៃៗ​ទៀត ។​

​មាន​ភាពមិនប្រក្រតី ក្នុងការ​គេង​លក់​។ ការ​គេង​ដោយ​មិន​ដកដង្ហើម គឺជា​ស្ថានភាព​មួយ​ដែល កូនៗ​របស់​អ្នក អាច​នឹង​មាន​ការ​ស្រ​ម៉ុក ឬ មាន​ភាពមិនធម្មតា ក្នុង​ការដកដង្ហើម ខណៈពេលដែល ពួកគេ កំពុង​គេង​លក់​។ ហើយ​នេះ ជា​ផល​លំបាក​មួយ ដែល​អាច​កើតមាន​ដោយសារ​ភាព ធា​ត់ ជ្រុល​នៅក្នុង​វ័យ​កុមារភាព ។  អ្នក​ត្រូវ​យកចិត្តទុកដាក់ ចំពោះ បញ្ហា​នៃ​ការដកដង្ហើម​របស់​កូន​អ្នក នៅពេលដែល​គេ គេង​លក់​។​

​មាន​ភាព​ពេញវ័យ ឬ មាន​វដ្ត​ឈាមរដូវ​លឿន​ជាង​ពេល​កំណត់​។ ការ​ធាត់ អាច​ធ្វើអោយ​កម្រិត អរ​ម៉ូ​ន​មាន​អតុល្យភាព សម្រាប់​កូន​អ្នក​។ ភាព​អតុល្យភាព​ទាំងនេះ អាច​ធ្វើអោយ​ពួកគេ ចាប់ផ្តើម ឆាប់​មាន​វ័យ​គ្រប់ការ លឿន​ជាង​ពេល​ដែល​បាន​រំពឹងទុក​។​

ផល​លំបាក​ចំពោះ ស្ថានភាព​សង្គម និង ផ្លូវចិត្ត​
​មិនសូវ​ផ្តល់​តម្លៃ​អោយ​ខ្លួន​ឯង ។ កុមារ​ភាគច្រើន តែង​និយាយ​ចំអន់​លេង ឬ ធ្វើបាប​មិត្តភក្តិ ទាំងឡាយណា​ដែល​មាន​រូបរាង​ធាត់ ហេតុដូចនេះ ពួកគេ​អាច​នឹង ទទួលរង​ការ​វាយ ប្រហារ​នេះ ដែល​អាច​ធ្វើអោយ​ពួកគេ បាត់បង់​ជំនឿ​ចិត្ត​លើ​ខ្លួនឯង និង ប្រឈម​នឹង​បញ្ហា​នៃ​ការធ្លាក់​ទឹកចិត្ត​។​

​មាន​បញ្ហា​ចំពោះ​អកប្បកិរិយា និង ការសិក្សា​។ កុមារ​ដែល​មាន​ភាពធាត់​ជ្រុល គឺ​ហាក់​នឹង មាន​ភាព​ថប់​បារម្ភ​ជាង និង មិនសូវ​មាន​ទំនាក់ទំនង​ក្នុង​សង្គម​បាន​ល្អ ជាង​កុមារ ដែល​មាន​រូបរាង កាយ​សមសួន​មាន​។ នៅក្នុង​ករណី​ធ្ងន់ធ្ងរ បញ្ហា​ទាំងនេះ អាច​នឹង​ធ្វើអោយ​កុមារ​ទាំងនោះ បញ្ចេញ​នូវ​អាកប្បកិរិយា មិន​សមរម្យ ដែល​អាច​នឹង​រំខាន​ដល់​មិត្ត​រួម​ថ្នាក់​។ ហើយ​វា​ក៏​អាច ធ្វើអោយ​ពួកគេ ត្រូវបាន​ដកឃ្លា​ឆ្ងាយ​ពី​សង្គម​។ ស្ថានភាព​ស្ត្រេ​ស និង ភាព​ថប់​បារម្ភ ក៏​អាច បង្អាក់​ដល់ លទ្ធផល​សិក្សា​របស់​ពួកគេ​បាន​ផងដែរ​។

​ការធ្លាក់​ទឹកចិត្ត​។ ការ​មិនសូវ​ផ្តល់​តម្លៃ​អោយ​ខ្លួន​ឯង អាច​បង្កើត​នូវ​អារម្មណ៍ នៃ​ការ​អស់​សង្ឈឹម ជាច្រើន ចំពោះ​កុមារ​ដែល​មាន​ភាពធាត់​ជ្រុល​។ នៅពេលដែល​ពួកគេ បាត់បង់​ក្តីសង្ឈឹម នៅក្នុង​ជីវិត​របស់​ពួកគេ នោះ​វា​អាច​នឹង​ធ្វើអោយ​ពួកគេ ស្ថិតក្នុង​ស្ថានភាព​ធ្លាក់​ទឹកចិត្ត​។ ក្មេងៗ ដែល​មាន​ភាព​ធ្លាក់​ទឹកចិត្ត អាច​នឹង​បាត់បង់​ការចាប់អារម្មណ៍ ចំពោះ​ការធ្វើការ​សកម្មភាព​ធម្មតា មួយចំនួន ពួកគេ​អាច​នឹង​ដេក​ច្រើនជាង​ពេល​ធម្មតា ឬ ឧស្សាហ៍​យំ​។ ប្រសិនបើ​អ្នក​គិតថា កូន​របស់​អ្នក កំពុងស្ថិត​នៅ​ក្នុង​ស្ថានភាព​ធ្លាក់​ទឹកចិត្ត នោះ​អ្នក​ត្រូវ​និយាយ​ជាមួយ​ពួកគេ និង ព្យាយាម ធ្វើការ​ចែករំលែក​នូវ​អារម្មណ៍​ទាំងនោះ​ជាមួយ នឹង​ពួកគេ ៕