នៅពេលដែលផ្ទះអ្នកមានទារក អ្នកគួរតែប្រយ័ត្នគ្រប់រឿង ព្រោះមានសកម្មភាពមួយចំនួនដែលអាចធ្វើឲ្យទារកងាយភ័យខ្លាចខ្លាំងណាស់ ហើយក្រោយពេលដែលគេភ័យ វាអាចប៉ះពាល់ដល់សសុខភាពគេបាន។ ដូចនេះតើមានរឿងអ្វីខ្លះដែលងាយធ្វើឲ្យកូនអ្នកឆាប់ភ័យនោះ?
- កូនអាចភ័យបាននៅពេលដែលគេគេងសុខៗហើយមានសម្លេងចម្លែក ហើយខ្លាំង នោះកូនអាចនឹងឆាប់ភ័យជាទីបំផុត ដូចនេះអ្នកមិនត្រូវធ្វើរឿងមួយចំនួនដែលមានសម្លេងខ្លាំងនោះទេ។
- នៅពេលដែលអ្នកឲ្យកូនគេងនៅកន្លែងដែលអ៊ូអរខ្លាំង កូនក៏ឆាប់ភ័យដែរ គេនឹងមានអារម្មណ៍មិនស្ងប់ឡើយក្នុងការគេង។
- នៅពេលដែលអ្នកបង្ខំកូនឲ្យធ្វើរឿងដែលគេមិនចង់ធ្វើដូចជា បង្ខំឲ្យគេថើបមនុស្សចម្លែក ឬឲ្យអ្នកដទៃពរ គេក៏អាចភ័យ ហើយយំបានដែរ ដោយសារតែគេគ្មានអារម្មណ៍សុវត្ថភាព។
- នៅពេលដែលគេមើលឃើញរបស់ផ្សេងៗដែលចម្លែក ក៏គេអាចភ័យបានដែរ ដោយសារតែគេនៅមិនទាន់ស្គាល់ ដូចនេះគេអាចស្រែកយំបាន នេះជាសញ្ញាដែលបញ្ជាក់ថាគេកំពុងតែខ្លាច ដូចនេះអ្នកគួរតែពរគេចេញពីកន្លែងនោះឲ្យលឿន៕