ការចិញ្ចឹមកូន មិនមែនងាយស្រួល ដូចជាការនិយាយនោះទេ ហើយការចិញ្ចឹមកូនឲ្យបានល្អ និងមានវិន័យ រឹតតែពិបាកទៅទៀត។
យ៉ាងណាមិញ ខាងក្រោមនេះ យើងខ្ញុំនឹងបង្ហាញនូវគន្លឹះមួយចំនួន ដើម្បីចិញ្ចឹមកូនឲ្យបានល្អ ៖
ម៉ឹងម៉ាត់
ដើម្បីឲ្យកូនគោរព និងមានវិន័យល្អ អ្នកត្រូវតែម៉ឺងម៉ាត់ ប៉ុន្តែ មិនមែនតឹងរឹងពេកនោះទេ។ អ្នកត្រូវបង្កើតច្បាប់ នៅក្នុងគ្រួសារ ហើយអនវត្តវាឲ្យបានត្រឹមត្រូវ និងតឹងរឹងជាទីបំផុត។
គោរពកូន
ជាឪពុកម្តាយល្អ អ្នកត្រូវចេះគោរព មានន័យថា ផ្តល់តម្លៃឲ្យកូន ទោះបីជាគេក្មេង ឬជាកូនអ្នកក៏ដោយ។ អ្នកត្រូវបង្ហាញតម្លៃ និងតួនាទីរបស់កូន ហើយមិនត្រូវបំពានសិទ្ធិ ឬអ្វីដែលគេមិនចង់ឡើយ។
កុំហៅកូនអាក្រក់ពេក
ពាក្យថា “អានេះ, អានោះ, អាឆ្កួត, អាល្ងង់” មិនត្រូវកើតមាន នៅក្នុងក្រុមគ្រួសារអ្នកឡើយ ពីព្រោះ វាធ្វើឲ្យកូនខ្លាច អន់ចិត្ត ហើយមិនក្លាហានឡើយ។
យល់ចិត្ត
ការយល់ចិត្តរបស់កូន នឹងធ្វើឲ្យគេគិតថា គេមានតម្លៃ ហើយច្បាស់ណាស់ គេនឹងស្តាប់តាមអ្នក។
ទំនាក់ទំនង
ត្រូវចំណាយពេលនៅជាមួយកូន ដើម្បីជជែក និងអប់រំកូន។
សិក្សាពីអាយុ និងគំនិតរបស់កូន
ការចិញ្ចឹមកូនឲ្យបានល្អ ត្រូវគិតអំពីស្ថានភាព អាយុ និងកាលៈទេសៈ មិនមែនចេះដាក់សម្ពាធ ឬច្បាប់ទម្លាប់ ដោយមិនចេះគិតគូរឡើយ។
បង្រៀនកូនអំពីគុណសម្បត្តិ និងគុណវិបត្តិ
ក្រោយពីដឹងរឿងនេះច្បាស់ គេប្រាកដជាចង់ល្អ គិតល្អ និងស្តាប់តាមការណែនាំ ជាមិនខានឡើយ។
ផ្តល់រង្វាន់
ការលើកទឹកចិត្ត អាចជួយឲ្យកូនស្តាប់បង្គាប់ ប៉ុន្តែ មិនត្រូវឲ្យគ្រប់ពេល ឬពេលដែលគេខុសនោះទេ៕