ការថែទាំកូនក្មេងគឺជារឿងដែលលំបាកមួយដែលតម្រូវឲ្យអ្នកមានចិត្តអំណត់ ហើយក៏មានកូនក្មេងមួយចំនួនតែងតែរករឿងនៅពេលយប់មិនព្រមគេងឡើយ។ តើគួរតែធ្វើដូចម្តេចទៅ?
នៅពេលដែលកូនមានទម្លាប់បែបនេះ សូមអ្នកកុំមានចរិតឆេវឆាវឲ្យសោះ ដោយអ្នកត្រូវតែតាំងចិត្តឲ្យស្ងប់ដើម្បីអាចរកឃើញមូលហេតុមកដោះស្រាយបញ្ហាទាំងនេះបាន។ មានពេលខ្លះមកពីកូនឃ្លាន ឬគេនោមទេទើបគេរករឿងយំដើម្បីឲ្យអ្នកដឹង ដូចនេះឲ្យតែអ្នកបំបៅគេឲ្យឆ្អែត ហើយផ្លាស់ប្តូរខោទឹកនោមឲ្យគេទៅបានហើយ នោះគេនឹងមិនយំទៀតទេ។ ប៉ុន្តែប្រសិនជាមិនមែនជាមូលហេតុទាំង២នេះ អ្នកអាចបន្តស្វែងរកបាន ហើយយើងខ្ញុំជឿជាក់ថាអ្នកនឹងអាចរកឃើញជាមិនខានឡើយឲ្យតែអ្នករក្សាចិត្តឲ្យស្ងប់ មិនមួលម៉ៅ នោះអ្នកនឹងអាចឆាប់ដោះស្រាយបញ្ហានេះបាន៕
