១. រិះគន់ខ្លាំងពេក
ក្មេងៗត្រូវការការលើកទឹកចិត្ត ជាជាងការបង្អាប់ ឬរិះគន់ច្រើន ដូច្នេះ អ្នកអាចសរសើរកូនឲ្យបានច្រើន ហើយទើបរិះគន់ និងកែលម្អកូនជាក្រោយ។ ធ្វើបែបនេះ ទើបកូនពេញចិត្ត ហើយចេះកែកំហុសឆ្គង។
២. ប្រើបច្ចេកវិទ្យាច្រើន ហើយមិនសូវខ្វល់ពីកូន
ឪពុកម្តាយមួយចំនួន ច្រើនរវល់នឹងការងារ ឬការលេង Facebook ហើយបណ្តោយឲ្យកូនលេង ឬរៀនសូត្រតែម្នាក់ឯ ដែលនេះ គឺជាទង្វើខុសឆ្គងមួយ ដែលអ្នកគួរកែប្រែ។
៣. ស្រឡាញ់កូនមិនស្មើគ្នា
ឪពុកម្តាយមួយចំនួន ស្រឡាញ់កូនប្រុស ច្រើនជាងកូនស្រី ឪពុកម្តាយខ្លះ ស្រឡាញ់កូនស្រីជាងកូនប្រុស។ យ៉ាងណាមិញ ទោះបីជាអ្នកស្រឡាញ់មិនស្មើគ្នាក្តី អ្នកមិនត្រូវបង្ហាញឲ្យកូនដឹងឡើយ ពីព្រោះ ការធ្វើបែបនេះ នឹងធ្វើឲ្យកូនម្នាក់បាក់ទឹកចិត្ត កូនម្នាក់ទៀត នឹងឆ្មើងឆ្មៃនិយាយមិនស្តាប់។
៤. កុំផឹក កុំជក់បារី មានន័យថា ត្រូវធ្វើជាគម្រូដ៏ល្អ សម្រាប់កូនរបស់អ្នក
ទង្វើមិនគប្បី និងការប្រព្រឹត្តមិនសមរម្យ មិនត្រឹមតែប៉ះពាល់ ដល់សុខភាពកូននោះទេ ប៉ុន្តែ វានឹងអាចធ្វើឲ្យកូនរៀនតាមទៀតផង។
៥. វាយកូន
អំពើហឹង្សា មិនត្រូវមានជាដាច់ខាត នៅក្នុងក្រុមគ្រួសាររបស់អ្នក៕