ការគេងបើនិយាយចំពោះទារកដែលទើបនឹងកើតពិតជាសំខាន់ណាស់ ដូចនេះអ្នកគួរតែប្រយ័ត្នបំផុតចំពោះដំណេករបស់កូន។ តើមានអ្វីខ្លះដែលរារាំងមិនឲ្យកូនអាចគេងលក់ស្រួលនោះ?
- នៅពេលដែលកូនបៅឆ្អែតពេក ឬក៏ឃ្លានពេកក៏អាចយំរករឿងមិនព្រមគេងដែរ ដូចនេះអ្នកគួរតែបំបៅគេល្មមទៅបានហើយ។
- នៅពេលដែលខោទឹកនោមកូនសើម ខោអាវតឹងពេក ភួយក្រាស់ពេកអាចធ្វើឲ្យកូនមានអារម្មណ៍មិនស្រួល ជាហេតុដែលអាចប៉ះពាល់ដល់ដំណេកគេដូចគ្នា ដូចនេះអ្នកត្រូវតែចេះសង្កេតមើលកូនឲ្យបានល្អិនល្អន់ ទើបអាចធ្វើឲ្យគេគេងលក់ស្រួលបាន។
- អ្នកត្រូវតែធ្វើយ៉ាងណាឲ្យកន្លែងដែលកូនគេងមានអនាម័យ ដោយគ្មានមូសចូលបាន ព្រោះមានពេលខ្លះមូសខាំកូនក៏អាចធ្វើឲ្យគេរករឿងមិនគេងដែរ ម្យ៉ាងទៀតអាចធ្វើឲ្យគេកើតជំងឺគ្រុនឈាមយ៉ាងងាយបើអ្នកមិនប្រយ័ត្ន។
- អ្នកមិនត្រូវធ្វើឲ្យកូនភ័យខ្លាំងនោះទេ ព្រោះវាអាចធ្វើឲ្យកូនមិនព្រមគេងឡើយ ដោយសារតែអារម្មណ៍ភ័យខ្លាចគឺស្ថិតក្នុងចិត្តកូន។ ម្យ៉ាងទៀតនៅពេលដែលកូនខ្វះកាលស្យូម គេក៏មិនអាចគេងលក់ស្រួលដែរ៕