បទពិសោធន៍ ក្នុងការចិញ្ចឹមកូន របស់អ្នកនាង ងួន ណាវី
ខ្ញុំបានដាក់ការងារ ឲ្យកូនរបស់ខ្ញុំមួយ គឺយករបស់លេងទៅទុក ក្រោយពេលគេលេងចប់។ ដំបូងឡើយ ខ្ញុំតែងតែស្រែកប្រាប់គេ បីបួនដង ព្រមជាមួយនឹងការទូន្មាន ប្រហែលមួយនាទី។ ប៉ុន្តែ ឥឡូវនេះ … អ្នកសាកទាយមើល?
ពីមុន ៖
បន្ទាប់ពីនិយាយមិនស្តាប់ ក្រោយពេលដែលនាងខ្ញុំ បានប្រាប់គេពីរបីដងរួចមក ខ្ញុំក៏បានវាយកូនមួយដៃ ហើយប្រដៅគេពីរបីនាទី។ ប៉ុន្តែ លទ្ធផល គឺនៅដដែល។
ឥឡូវ ៖
“កូនក្មេង ត្រូវការពាក្យថ្នាក់ថ្នម ជាជាងការស្តីបន្ទោស” នេះជាពាក្យណែនាំ របស់គេហទំព័រសុខភាព www.health.com.kh។ ខ្ញុំក៏បានធ្វើតាម។
ជាការពិត ក្មេងៗអាយុបីបួនឆ្នាំដឹងថា អ្វីដែលគេត្រូវធ្វើហើយ គ្រាន់តែគេត្រូវការ ពាក្យដាស់តឿនផ្អែមល្ហែម ឬអាចថា គេស៊ីជោរ ឬចង់មានទំនាក់ទំនងល្អ ជាមួយឪពុកម្តាយប៉ុណ្ណោះ ដូច្នេះ ការស្តាប់អប់រំបន្តិចបន្តួច ការអង្អែលខ្នង ពិតជាធ្វើឲ្យគេ ឆាប់ស្តាប់បង្គាប់ណាស់។
ចាប់ពីថ្ងៃនោះមក គ្រាន់តែខ្ញុំនិយាយថា “តោះកូន ចូលគេង” គេក៏ចាប់ផ្តើម ប្រមែប្រមូលរបស់លេង ទុកក្នុងកន្ត្រករបស់គេ យ៉ាងសប្បាយរីករាយ។