អំឡុងពេលនៃជំងឺមួយចំនួន, បាក់តេរី និងមេរោគផ្សិតដែលបង្កអោយឆ្លងមួយចំនួនអាចរាតត្បាតចូលទៅក្នុងចរន្តឈាម និងរាលដាលទៅកាន់ផ្នែកដទៃទៀតនៃខ្លួន, ដែលទៅឆ្ងាយពីកន្លែងដែលបង្កជាមេរោគដំបូង។ វត្តមានរបស់ពួកវានៅក្នុងឈាមជាធម្មតាមានន័យថា កុមារមានការឆ្លងមេរោគធ្ងន់ធ្ងរ។
ជាធម្មតា ការឆ្លងមេរោគជាទូទៅបណ្តាលអោយចង្វាក់បេះដូងលោតញាប់, ក្តៅខ្លួនខ្លាំង និងបង្កើនកោសិកាគ្រាប់ឈាមស។
ការយកឈាមទៅបណ្តុះមេរោគអាចបង្ហាញពីចំនួននៃការឆ្លងមេរោគ ឬបញ្ហាដូចជា ជំងឺរលាកស្រោមបេះដូងជាដើម, ដែលមានសភាពធ្ងន់ធ្ងរ និងធ្វើអោយមានបញ្ហារហូតដល់គម្រាមកំហែងអាយុជីវិតដែលកើតមានឡើងនៅពេលដែលបាក់តេរីនៅក្នុងចរន្តឈាមជាប់ទៅនឹងប្រឹសនៃបេះដូង។
ការយកឈាមទៅបណ្តុះមេរោគក៏អាចរកមើលពីមេរោគដែលបង្កអោយមានឆ្លងមេរោគដូចជា ជំងឺរលាកឆ្អឹង និងសាច់ដុំ, ជាការរលាកឆ្អឹងដែលជារឿយៗត្រូវបានបង្កឡើងដោយមេរោគ Staphylococcus aureus និងជំងឺរលាកកោសិកាដែលជាការឆ្លងមេរោគលើស្បែកដែលទាក់ទងទៅនឹងតំបន់នៃជាលិកាដែលនៅក្រោមស្បែក៕