ទឹកខួរឆ្អឹងខ្នង ដែលត្រូវបានយកដោយការបូមទឹកឆ្អឹងខ្នងនោះ អាចត្រូវបានគេប្រើ ដើម្បីធ្វើរោគវិនិច្ឆ័យជំងឺធ្ងន់ធ្ងរជាច្រើន ដូចជា ការហូរឈាមជុំវិញខួរក្បាល ការកើនឡើងសម្ពាធដោយសារតែក្បាលរីកធំ ការរលាកខួរក្បាល រលាកស្រោមខួរក្បាល ដុំសាច់នៅក្នុងខួរក្បាល ឬឆ្អឹងខ្នងជាដើម។
ជួនកាល ទឹកខួរឆ្អឹងខ្នង ក៏អាចបង្ហាញពីជំងឺ នៃប្រព័ន្ធភាពស៊ាំ ដូចជា ជំងឺក្រិនច្រើនកន្លែងផងដែរ។
ប៉ុន្តែ នៅពេលដែលទឹកខួរឆ្អឹងខ្នង ត្រូវបានបង្ហូរចេញ អំឡុងពេលចាក់បូមទឹកខួរឆ្អឹងខ្នងនោះ ហានិភ័យ រួមមាន ការឈឺក្បាល ការហូរឈាម និងការឆ្លងមេរោគ។ ផលវិបាកទាំងនេះ អាចមិនមានជាញឹកញាប់នោះទេ លើកលែងតែការឈឺក្បាល ដែលអាចលេចឡើងពីប៉ុន្មានម៉ោង ទៅប៉ុន្មានថ្ងៃ ក្រោយពីបូមទឹកឆ្អឹងខ្នងរួច។
ការឈឺក្បាល កើតមានឡើងមិនសូវជាញឹកញាប់នោះទេ នៅពេលដែលអ្នកជំងឺ នៅតែគេងរាបស្មើប្រហែលជាមួយម៉ោងទៅបីម៉ោង ក្រោយពីបូមទឹកឆ្អឹងខ្នងរួច៕
