អំឡុងពេលកូនចូលរៀន ឪពុកម្តាយកាន់តែរវល់ ហើយត្រូវយកចិត្តទុកដាក់បន្ថែម ទៅលើការសិក្សា និងអាកប្បកិរិយារបស់កូន។
ពេលកូនទៅរៀន គេអាចនឹងជួបបរិស្ថានថ្មី មនុស្សថ្មី មិត្តភក្តិថ្មី ដូច្នេះ អ្វីៗអាចនឹងប្រែប្រួលច្រើន ជាពិសេស អត្តចរឹត និងការនិយាយស្តី។ ការប្រែប្រួលនេះទៀតសោត ក៏អាចមានផលល្អ និងផលមិនល្អផងដែរ ពីព្រោះ អ្វីដែលគេរៀនចេះ មិនប្រាកដថា ល្អទាំងអស់នោះទេ។
ហេតុដូច្នេះហើយ ឪពុកម្តាយមានតួនាទីសំខាន់ណាស់ ក្នុងការតាមដាន និងអប់រំកូនបន្ថែមទៀត។
ខាងក្រោមនេះ គឺជាអ្វីដែលអ្នកគួរធ្វើ ៖
១. មើលចរឹតកូន ថាតើគេកាន់តែល្អ ឬប្រែជាអាក្រក់
២. ឧស្សាហ៍ប្រឹក្សាយោបល់ និងសាកសួរគ្រូបង្រៀន អំពីកូនរបស់អ្នក
៣. បង្រៀនកូនបន្ថែម ពេលគេចង់រៀន ប៉ុន្តែ មិនត្រូវបង្ខំឲ្យគេរៀន ពេលគេមិនចង់នោះទេ
៤. ផ្តល់ភាពងាយស្រួល ដើម្បីកូនបានរៀនសូត្រ ដូចជា ដាក់កូននៅសាលាល្អៗ ទិញសម្ភារៈសិក្សាឲ្យកូន ហើយរៀបចំបន្ទប់សិក្សា ដែលមានផាសុកភាព ឲ្យកូនអ្នកជាដើម៕