មានកូនក្មេងមួយចំនួនមិនចូលចិត្តញ៉ាំទឹកនោះទេ ប៉ុន្តែទឹកពិតជាសំខាន់ណាស់សម្រាប់មនុស្សគ្រប់រូប។ ដូចនេះអ្នកគួរតែប្រើវិធីមួយចំនួនដើម្បីឲ្យកូនចូលចិត្តញ៉ាំទឹកវិញ។ តើមានអ្វីខ្លះទៅ?
នៅពេលដែលកូនមិនចូលចិត្តញ៉ាំទឹក មិនខ្វល់ថានៅផ្ទះ ឬទៅក្រៅនោះទេ អ្នកគួរតែឲ្យកូនញ៉ាំទឹកនៅរៀងរាល់មួយម៉ោងម្តង។ ម្យ៉ាងទៀតក្រោយពេលដែលកូនក្រោកពីគេង អ្នកក៏ត្រូវតែឲ្យគេញ៉ាំទឹកដូចគ្នា។ នៅពេលដែលកូនទៅរៀន អ្នកគួរតែបង្រៀនគេឲ្យចេះនិយាយពាក្យថា គេចង់ញ៉ាំទឹក នោះគេអាចនឹងប្រាប់លោកគ្រូ ឬអ្នកគ្រូឲ្យយកទឹកឲ្យគេញ៉ាំបាន។ នៅពេលដែលអ្នកទៅយកកូនចេញពីសាលារៀនក៏ត្រូវយកទឹកទៅតាមខ្លួនដែរ ដើម្បីឲ្យកូនញ៉ាំទៀត។ ក្រោយពេលដែលកូនងូតទឹក និងហាត់ប្រាណរួច អ្នកត្រូវតែយកទឹកឲ្យគេញ៉ាំ នោះនៅពេលដែលគេញ៉ាំច្រើន ជំងឺផ្សេងៗនឹងមិនមករកកូននោះទេ៕