នៅពេលដែលកូនបានអាយុ១២ខែ នោះមានន័យថាកូនបានមួយខួបហើយ។ ដូចនេះរបៀបនៃការមើលថែទាំគឺមិនត្រូវដូចជាវិធីចាស់នោះទេ។ តើមានវិធីថែទាំ និងចិញ្ចឹមបីបាច់តាមណាខ្លះទៅ?
នៅពេលដែលកូនបានមួយខួប អ្នកគួរតែវឹកហាត់ឲ្យគេប្រើម្រាមដៃច្រើន ដោយអ្នកអាចឲ្យគេបើកសៀវភៅដែលមានរូបភាពជាច្រើនមើលឲ្យបានច្រើនដង។ ម្យ៉ាងទៀតអ្នកក៏អាចកាន់ដៃរបស់កូនដើម្បីចង្អុររូបក្នុងសៀវភៅដែរ ដើម្បីឲ្យគេមានទម្លាប់អានសៀវភៅច្រើននៅពេលធំឡើង។ ជាងនេះទៅទៀត អ្នកគួរតែវឹកហាត់កូនឲ្យដើរ ដោយនៅពេលដែលគេដួល អ្នកមិនត្រូវរត់ទៅចាប់គេឡើងមកទេ អ្នកគួរតែបង្រៀនគេឲ្យក្រោកឈរឡើងដោយខ្លួនឯង ទើបគេអាចក្លាយជាមនុស្សដែលមានភាពរឹងមាំបាននៅថ្ងៃអនាគត។ អ្នកក៏ត្រូវតែវឹកហាត់កូនឲ្យនិយាយឲ្យបានច្រើនដែរ ដោយនៅពេលដែលគេចង់បានរបស់អ្វី អ្នកមិនគួរទៅយកភ្លាមនោះទេ អ្នកគួរតែចាំដល់កូននិយាយចេញមកទើបយកឲ្យគេ នោះគេនឹងឆាប់ចេះនិយាយហើយ។ នៅពេលដែលកូនរៀនដើរ អ្នកមិនគួរឲ្យគេពាក់ស្បែកជើងនោះទេ អ្នកគួរតែឲ្យគេដើរដោយជើងទទេរវិញទើបកូនអាចងាយស្រួលដើរបាន៕