ការលូតលាស់ និងធំធាត់របស់ក្មេងគឺលឿនខ្លាំងណាស់ ដូច្នេះហើយយកល្អគួរតែធ្វើយ៉ាងណាឲ្យគេគេមានថាមពលរាងកាយច្រើនដើម្បីលេងនៅពេលថ្ងៃ តែមានសុខភាពល្អផង។ ដើម្បីធ្វើបានដូច្នេះ ទាល់តែពួកគេមានទម្លាប់គេងបានល្អ និងគ្រប់ម៉ោងផង។
សម្រាប់ទារកទើបនឹងកើត ចំនួននៃការគេងអាចប្រែប្រួលច្រើន។ ប៉ុន្តែក្រោយពីគេអាយុបានមួយខែហើយ តម្រូវការនៃការគេងចាប់ពី ១៣ ទៅ១៤ម៉ោងក្នុងមួយថ្ងៃ។ រយៈពេលយូរៗទៅ គេនឹងគេងតិចទៅៗនៅពេលថ្ងៃ និងគេងច្រើននៅពេលយប់វិញ។
ចំពោះក្មេងទើបចេះដើរតេសតាស និងក្មេងត្រៀមចូលរៀនមត្តេយ្យ ត្រូវការគេងគេងពី ១១ ទៅ១៤ម៉ោងជារៀងរាល់ថ្ងៃ។ ប៉ុន្តែភាគច្រើនការគេងទាំងនោះគួរតែនៅពេលយប់ ប៉ុន្តែគេក៏ត្រូវការគេងថ្ងៃដែរ។ ចូរព្យាយាមឲ្យកូនគេងថ្ងៃពី ១ ទៅ២ម៉ោងផង។ ចំពោះក្មេងចូលរឿនបឋមសិក្សាត្រូវការគេងពី ១០ ទៅ១១ម៉ោងក្នុងមួយយប់៕