Join with Health.com.kh on Telegram

ម្តាយ​ភាគច្រើន ចូលចិត្ត​លាបម្សៅ និង​ឡេ​ឲ្យ​កូន​ទើប​នឹង​កើត បន្ទាប់​ពី​ជ្រុះ​ផ្ចិត​រួច​។ ថា​តើ​វា​មាន​សុវត្ថិភាព​ដែរឬទេ​? តើ​កូន​ក្មេង​ត្រូវការ​ម្សៅ​ដែរឬទេ​? បើ​ចង់ដឹង​ច្បាស់ សូម​អាន​ការណែនាំ​ខាងក្រោម​នេះ​។​

​ជា​ការពិត ស្បែក​កូនក្មេង​ទើបនឹង​កើត មិន​ត្រូវ​ការឡេ ឬ​ម្សៅ​ឡើយ យ៉ាងណាមិញ អ្នក​ម្តាយ​អាច​ប្រើ​បាន ប៉ុន្តែ ត្រូវ​ប្រុង​ប្រយ័ត្ន​ឲ្យ​មែនទែន​។​

ទោះបីជា​មិន​មាន​ភ​ស្តតាង ឬ​ការបញ្ជាក់​ច្បាស់​ក្តី ប៉ុន្តែ ម្សៅ​អាច​ប៉ះពាល់​សុខភាព និង​ស្បែក​របស់​ទារក​។​

​គុណវិបត្តិ និង​គ្រោះថ្នាក់​ខ្លាំង​បំផុត​របស់​ម្សៅ គឺ​ការ​អា​លែ​ក​ស៊ី ទៅ​នឹង​សារធាតុ​ផ្សំ​របស់​ម្សៅ ដូច្នេះ បើ​អ្នក​ម្តាយ​ចង់​ប្រើប្រាស់​ម្សៅ សូម​ធ្វើ​តេស្ត​លើ​ស្បែក​កូន​បន្តិច​សិន មុន​នឹង​លាប​លើ​ខ្លួន​របស់​គេ​។​

ម្សៅ​មួយចំនួន ដែល​មាន​តម្លៃ និង​គ្មាន​ស្លាក​សញ្ញា​ត្រឹមត្រូវ ពិត​ជា​គ្រោះថ្នាក់​ខ្លាំងណាស់ ចំពោះ​ទារក ដូច្នេះ ចូរ​ប្រុងប្រយ័ត្ន និង​ជ្រើសរើស​ផលិតផល​ដែល​អ្នក​អាច​ទុកចិត្តបាន​។​

​ប្រការ​ដែល​ល្អ​បំផុត គឺ​អ្នក​គួរតែ​សាកសួរ​យោបល់​គ្រូពេទ្យ ថា​តើ​កូន​របស់​អ្នក អាច​ប្រើ​ម្សៅ​បាន​ដែរឬទេ​? ហើយ​ថា​តើ​ម៉ាក​ណា ដែល​ល្អ​បំផុត​នោះ​៕