គេនិយាយថា ឪពុកម្តាយសប្បាយចិត្ត ពេលឃើញកូនសប្បាយចិត្ត។ ឪពុកម្តាយរស់នៅសព្វថ្ងៃ និងលះបង់អ្វីគ្រប់យ៉ាង គឺដើម្បីតែកូនប៉ុណ្ណោះ។ ប៉ុន្តែ ពេលខ្លះ ទង្វើ និងសកម្មភាពខ្វាយខ្វល់របស់ឪពុកម្តាយ បែរជានាំឲ្យកូនខូចទៅវិញ ពីព្រោះ ពួកគាត់មិនបានដឹង អំពីវិធីចិញ្ចឹម និងអប់រំកូនឡើយ។
ខាងក្រោមនេះ គឺជាគន្លឹះមាស ដែលឪពុកម្តាយគួរស្វែងយល់ ដើម្បីចិញ្ចឹមកូនឲ្យបានល្អ ៖
១. គាំទ្រ និងលើកទឹកចិត្តកូន ទោះបីជាស្ថិតក្នុងកាលៈទេសៈណាក៏ដោយ
២. ហាមដាច់ខាត ការបន្ទោស ការជេរស្តី និងការនិយាយលេងសើចបង្អាប់កូន
៣. អត់ធ្មត់ និងធ្វើចិត្តឲ្យត្រជាក់បំផុត ពេលប្រៀនប្រដៅកូន
៤. ចាប់អារម្មណ៍ទៅលើសកម្មភាព និងចំណង់ចំណូលចិត្តរបស់កូន ហើយជម្រុញ និងលើកទឹកចិត្តបន្ថែម
៥. កុំយកលុយជាធ្នាក់ ឬដើម្បីប្រើកូនឲ្យធ្វើអ្វីមួយ
៦. ពន្យល់កូនពីសារៈសំខាន់ និងគុណសម្បត្តិរបស់លុយ ប៉ុន្តែ ត្រូវប្រាប់គេថា លុយ មិនធំជាងមនុស្សធម៌ និងភាពស្មោះត្រង់ឡើយ
៧. នៅក្បែរ និងចំណាយពេលឲ្យបានច្រើន នៅជាមួយកូនៗ និងក្រុមគ្រួសារ
៨. គោរព និងផ្តល់តម្លៃឲ្យកូនជានិច្ច៕
វិធីចិញ្ចឹមកូន ឲ្យបានល្អឥតខ្ចោះ
