Join with Health.com.kh on Telegram

ធ្លាប់ដឹងទេថាការខ្ពុរមាត់ជាមួយទឹកអំបិលអាចផ្ដល់អត្ថប្រយោជន៍ល្អៗអ្វីខ្លះ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ច្រើនណាស់! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីផលល្អៗនៃការខ្ពុរមាត់ជាមួយទឹកអំបិល ៖

១. បំបាត់អាការៈឈឺបំពង់ក

អាការៈឈឺបំពង់កអាចជាលទ្ធផលនៃការឆ្លងមេរោគបាក់តេរី ឬប្រតិកម្មអាឡែកស៊ី។ ការខ្ពុរមាត់ជាមួយទឹកអំបិលពិតជាអាចជួយបំបាត់អាការៈនេះបាន។

២. ព្យាបាលអាការៈពងបែកក្នុងមាត់

វាអាចបង្កការឈឺចាប់ ប៉ុន្តែវិធីនេះ គឺមានប្រសិទ្ធភាពណាស់ក្នុងការព្យាបាលអាការៈពងបែកក្នុងមាត់។

៣. ព្យាបាលអាការៈក្អកស្ងួត

មិនត្រឹមតែបំបាត់ក្អកស្ងួតប៉ុណ្ណោះទេ ប៉ុន្តែក៏ប្រសើរសម្រាប់បំបាត់អាការៈក្អកស្លេសផងដែរ។

៤. បំបាត់អាការៈឈឺធ្មេញ

អាការៈឈឺធ្មេញអាចបណ្ដាលមកពីការឡើងខ្ទុះក្នុងផ្នែកកណ្ដាលនៃធ្មេញដែលជាលទ្ធផលនៃការឆ្លងមេរោគ។ ការខ្ពុរមាត់ជាមួយទឹកអំបិលអាចជួយបន្ថយអាការៈឈឺចាប់តាមរយៈការជម្រះខ្ទុះនោះចេញពីធ្មេញ។ ការខ្ពុរមាត់ក៏ជួយបំបាត់ការហើមអញ្ចាញផងដែរ។ អ្នកអាចខ្ពុរមាត់ជាមួយទឹកអំបិលរៀងរាល់ពី ២ ទៅ ៣ម៉ោងម្ដង។

៥. រក្សាតុល្យភាពនៃកម្រិតអាស៊ីតបាសក្នុងរាងកាយ

ការខ្ពុរមាត់ជាមួយទឹកអំបិលអាចបន្សាបជាតិអាស៊ីតក្នុងបំពង់កដែលផលិតឡើងដោយបាក់តេរី ហើយជួយរក្សាតុល្យភាពនៃកម្រិត pH។

៦. បំបាត់ខ្យល់ដង្ហើមមិនល្អ

ទឹកអំបិលក្ដៅឧណ្ហៗអាចបន្សាបជាតិអាស៊ីតក្នុងមាត់។ វាស្ដារឡើងវិញនូវកម្រិតអាស៊ីតបាសធម្មជាតិ និងកម្ចាត់រាល់បាក់តេរីក្នុងមាត់។ ជាលទ្ធផលបញ្ហាខ្យល់ដង្ហើមមិនល្អដោយសារពពួកបាក់តេរីត្រូវបានដោះស្រាយ។

៧. ព្យាបាលអាការៈហូរឈាមនិងហើមអញ្ចាញ

ការហូរឈាមនិងហើមអញ្ចាញធ្មេញ គឺជារោគសញ្ញាដំបូងមួយនៃជំងឺរលាកអញ្ចាញធ្មេញ។ ការសម្អាតក្នុងមាត់ជាមួយទឹកអំបិលអាចជួយបន្ថយការរលាកនិងកម្ចាត់បាក់តេរី។

៨. ការពារកាចាធ្មេញ

ទឹកអំបិលមានផ្ទុកជាតិរ៉ែហ្ល្វ័រអររ៉ាយ (fluoride) ដែលជួយបញ្ឈប់ ឬសូម្បីតែព្យាបាលធ្មេញពុកដង្កូវស៊ី។ ហ្ល្វ័រអររ៉ាយក្នុងទឹកអំបិលអាចជួយទប់ស្កាត់ការបាត់បង់ជាតិរ៉ែពីកាចាធ្មេញនិងពង្រឹងភាពរឹងមាំនៃកាចាធ្មេញ។ វាក៏ជួយបន្សាបជាតិអាស៊ីតក្នុងមាត់ផងដែរ។ ដើម្បីជាការប្រសើរចូររួមបញ្ចូលការខ្ពុរមាត់ជាមួយទឹកអំបិលក្នុងទម្លាប់នៃអនាម័យមាត់ធ្មេញ។

  • របៀបរៀបចំទឹកអំបិលសម្រាប់ខ្ពុរមាត់

អ្វីដែលអ្នកត្រូវធ្វើ គឺគ្រាន់តែបន្ថែមអំបិលកន្លះស្លាបព្រាកាហ្វេក្នុងទឹកក្ដៅឧណ្ហៗ ១ពែង។ កូរឱ្យរលាយសព្វ សឹមខ្ពុរមាត់ជាមួយទឹកល្បាយនេះ។ ទោះជាយ៉ាងណាត្រូវប្រាកដថាទឹកមិនក្ដៅពេក៕