រឿងនេះបើស្តាប់ទៅ ដូចជាគ្មានអ្វីគួរឲ្យភ្ញាក់ផ្អើលឡើយ។ មែនហើយ សម្រាប់ស្ត្រីមានផ្ទៃពោះឃើញថាមានការទាក់ទាញចំណាប់អារម្មណ៍របស់មូសច្រើនជាងអ្នកដទៃរហូតដល់ពីរដងឯណោះ។ យ៉ាងណាមិញ មានមនុស្សច្រើនណាស់ដែលមានហ្សែនពីកំណើតបញ្ជាក់ថា ទាក់ទាញមូសឲ្យមកខាំតែម្តង។
ខណៈពេលដែលមូសភាគច្រើនគ្មានគ្រោះថ្នាក់អ្វីទេនោះ អ្នកពិតជាមិនចង់ធ្លាក់ក្នុងចំណីមូសដែរ ព្រោះតែមូសខ្លះខាំអាចបង្កជាជំងឺដែរដូចជា ជំងឺហ្ស៊ីកា ជំងឺគ្រុនឈាម ឬជំងឺគ្រុនចាញ់ ជាដើម ដែលវាកើតឡើងជាពិសេសសម្រាប់ស្ត្រីមានផ្ទៃពោះថែមទៀត។
ចំពោះមូលហេតុតាមបែបវិទ្យាសាស្ត្រដែលបញ្ជាក់ថា ស្ត្រីមានផ្ទៃពោះមានការទាក់ទាញចំណាប់អារម្មណ៍មូសនោះគឺថា រាងកាយពួកគេបានបញ្ចេញសារធាតុជាច្រើនមកលើស្បែករបស់ពួកគេ ដែលវាមានលក្ខណៈទាកទាញវត្តមានរបស់មូសខ្លាំង។
ការបែកញើស និងការឡើងកម្លៅក្នុងខ្លួនរបស់ស្ត្រីមានផ្ទៃពោះក៏ជាកត្តានាំឲ្យមូសចូលចិត្តមកខាំដែរ។ ចំពោះក្លិននៃអាស៊ីតឡាក់ទិចដែលចេញទៅក្នុងញើស និងកាបូនឌីអុកស៊ីតដែលចេញតាមការដកដង្ហើមចេញ បូករួមនឹងកម្តៅព្រមទាំងសំណើមទៀតនោះ បង្កើតបានជាអាហារដ៏ល្អសម្រាប់មូសតែម្តង។ ស្ត្រីមានផ្ទៃពោះមានកម្តៅរាងកាយក្តៅល្មមដែលវាមានអំណោយផលយ៉ាងល្អបំផុតសម្រាប់សត្វមូសខាំ។
ទោះបីជាយ៉ាងណាក៏ដោយ មានហេតុផលច្រើនណាស់ដែលស្ត្រីមានផ្ទៃពោះគឺជាចំណីដ៏ឆ្ងាញ់សម្រាប់សត្វមូសខាំ ប៉ុន្តែអ្នកត្រូវតែធ្វើយ៉ាងណាចៀសឲ្យឆ្ងាយពីការខាំរបស់មូសក្នុងពេលមានផ្ទៃពោះឲ្យបានច្រើន៕