Join with Health.com.kh on Telegram

​ស្ត្រី​ម្នាក់​ជាធម្មតា​ផលិត​ទឹករំអិល​ពី​ក្នុង​ទ្វា​រមាសដែល​មាន​សភាព​ថ្លា ឬ​ល្អក់​តិចតួច មិន​បង្ក​អោយ មាន ការ​រលាក និង​ក្លិន​អ្វី​ទាំងអស់​។ ក្នុង​ពេល​មក​រដូវ​ធម្មតាៗ ចំនួន និង​កំហាប់​របស់​ឈាម​ដែល​ហូរ ចេញ មក​មិន​អាច​មាន​អ្វី​ជា​ទៀងទាត់​បានទេ​។ មាន​ពេល​មួយ​ក្នុង​រយៈពេល​មួយខែ ប្រហែលជា មាន ទឹករំអិល​ក្នុង​ចំនួន​ដ៏​តិចតួច និង​រាវ​ហូរ​ចេញមក ហើយ​ពេល​ខ្លះ​ទៀត ក៏​បែរជា​មាន​ទឹករំអិល​ច្រើន និង​ខាប់​ហូរ​ចេញ​ទៅ​វិញ​។ រឿងហេតុ​អស់​ទាំង​នេះ​អាច​ចាត់ទុកបាន​ថា​ជា​រឿង​ធម្មតា​ទេ​។​

​ការហូរ​ទឹករំអិល​ក្នុង​ទ្វារមាស​ដែល​មាន​ក្លិនស្អុយ ឬ​បង្ក​ការ​រលាក​ជាធម្មតា​ត្រូវបាន​ចាត់ទុក​ថា​ជា ទឹក រំអិល​មិនធម្មតា​។ ការ​រលាក​ប្រហែលជា​ធ្វើអោយ​រមាស់ ក្រហាយ ឬ​ទាំង​ពីរ​។ ការ​រមាស់ ប្រហែលជា​អាច​កើតមាន​គ្រប់​ពេលវេលា ប៉ុន្តែ​ភាគច្រើន​បំផុត​តែងតែ​ធ្វើ​អោយ​រំខាន​នៅពេល យប់​។ រោគសញ្ញា​ទាំងនេះ​ច្រើន​តែ​ធ្វើ​អោយ​ពិបាក​កាន់តែខ្លាំង​ក្នុងពេល​រួមភេទ​។ យក​ល្អ​អ្នក​គួរតែ​ទៅ​ពិ គ្រោះ​ជាមួយ​អ្នកឯកទេស​ខាង​រោគ​ស្ត្រី​ប្រសិនបើ​មាន​ការប្រែប្រួល​ទៅ​លើ​ចំនួន ពណ៌ ឬ​ក្លិន​របស់ ទឹក រំអិល​៕