សំណួរដែលស្ត្រីតែងតែសួរជាញឹកញាប់ គឺថា តើក្នុងពេលមានផ្ទៃពោះគួរតែប្រើក្បាច់រួមភេទអ្វីខ្លះទើបមានសុវត្ថិភាព? តាមពិតសំណួរនេះបង្ហាញនូវបញ្ហាពីរប្រភេទដែលយើងកំពុងតែរិះគិត នោះគឺការមានផ្ទៃពោះ និងការរួមភេទ។
កំហុសជាលើកដំបូងដែលគិតគឺ ការមានផ្ទៃពោះមានលក្ខណៈដូចជាការមានជំងឺដែរ ហើយបើគិតអំពីការមានផ្ទៃពោះវិញ ស្ត្រីពិតជាមានការអស់កម្លាំងខ្លាំងណាស់។ ខណៈពេលដែលមានបញ្ហាសុខភាព និងផលវិបាកនៃការមានផ្ទៃពោះ បានធ្វើអោយជីវិតផ្លូវភេទមានការលំបាក ហើយភាគច្រើនក៏គ្មានដំណោះស្រាយសម្រាប់រឿងនេះដែរ។
កំហុសទីពីរគឺថា មនុស្សយើងតែងតែយល់ច្រឡំអំពីការរួមភេទ ដោយអ្នកខ្លះយល់ថាធ្វើបែបនេះត្រូវ ហើយធ្វើបែបនោះខុស។ គំនិតបែបនេះអាចអោយដឹងថា វាពិតជាមានមធ្យោបាយណាមួយដែលមានសុវត្ថិភាព ឬត្រឹមត្រូវសម្រាប់រួមភេទនៅពេលមានផ្ទៃពោះ។ ប៉ុន្តែវាមិនមែនដូច្នេះនោះទេ។ ការរួមភេទក្នុងពេលមានផ្ទៃពោះ គឺគ្មានព្រំដែនឡើយ អាស្រ័យទៅតាមប្រភេទនៃការរួមភេទដែលអ្នកប្រព្រឹត្តិប៉ុណ្ណោះ។ ការរួមភេទដែលល្អមួយត្រូវតែទាមទារអោយមានគំនិតចេះបត់បែន និងការព្យាយាមបង្កើតក្បាច់ថ្មីដើម្បីរួមភេទនៅពេលក្បាច់ចាស់លែងមានប្រសិទ្ធិភាព។
ជាទូទៅ ក្បាច់រួមភេទដ៏ល្អមួយសម្រាប់ពេលមានផ្ទៃពោះគឺធ្វើយ៉ាងណាអោយ៖
· ដៃគូរទាំងពីរមានផាសុខភាពខាងរាងកាយ
· ក្បាច់ដែលប្រើនោះអាចរួមភេទបាន ព្រមទាំងមានការប៉ះពាល់លើរាងកាយតាមតែអ្នកចង់បាន
· ដៃគូរទាំងសងខាងត្រូវចៀងវាងការសង្កត់ទៅលើស្បូន ឬសង្កត់ពីលើពោះរបស់ដៃគូរមានផ្ទៃពោះដោយទម្ងន់ទាំងស្រុង។
អ្នកឯកទេសនិយាយថា ស្ត្រីគួរតែចៀសវាងនូវការដេកផ្ងារ ឬដេកចំហៀងមកស្តាំយូរពេកក្រោយពីមានផ្ទៃពោះបានបួនខែហើយ។
ដើម្បីប្រើក្បាច់រួមភេទក្នុងពេលមានផ្ទៃពោះបានគឺទាមទារអោយមានការច្នៃប្រឌិត ផ្តល់ការកំប្លែង និងត្រូវអោយមានខ្នើយច្រើន។ នេះមានន័យថា ចូរបោះបង់ចោលនូវការសូកបញ្ចូលលិង្គប្រសិនបើវាគ្មានប្រសិទ្ធិភាពទៀត ហើយត្រូវតែស្វែងរកវិធីថ្មីដើម្បីអោយដៃគូរទាំងសងខាងសប្បាយចិត្ត។
ប្រសិនបើអ្នកកំពុងតែស្វែងរកគំនិតមួយចំនួនដើម្បីជាកិច្ចចាប់ផ្តើម អ្នកប្រហែលជាចង់បង្កើតនូវក្បាច់រួមភេទផ្ទាល់ខ្លួនហើយ។ តែប្រសិនបើអ្នកមានការពិបាក ឬត្រូវធ្វើអ្វីច្រើនពេក ក្បាច់រួមភេទខាងក្រោមនេះប្រហែលជាអាចជួយអោយអ្នកមានផាសុខភាពជាមួយដៃគូរកំពុងតែមានផ្ទៃពោះបាន៖
· ក្បាច់ Spooning អាចផ្តល់នូវផាសុខភាពយ៉ាងល្អ ព្រោះវាមិនមានការសង្កត់ទៅលើពោះ និងត្រូវធ្វើចលនាអ្វីច្រើនឡើយ។ ដៃគូរអាចនៅពីក្រោយអ្នកដោយស្ថិតក្នុងមុំមួយដែលខុសពីការសូកបញ្ចូលលិង្គដូចកាលពីមុន។ ចូរចៀសវាងការដេកចំហៀងមកខាងស្តាំ។
· ក្បាច់ Side by Side ផ្តល់អោយអ្នកនូវការប៉ះពាលរាងកាយបានច្រើនជាងក្បាច់ Spooning ប៉ុន្តែការសូកបញ្ចូលលិង្គអាចមានការបន្លំតិចតួច។ ការគោងលើជើងគ្នាទៅវិញទៅមកប្រហែលជាមានប្រយោជន៍។ ក្បាច់នេះក៏ដូចជាក្បាច់ Spooning ដែរ គឺគ្មាននរណម្នាក់មានអារម្មណ៍ថាត្រូវបានដៃគូរសង្កត់ពីលើទេ ដូច្នេះវាពិតជាផ្តល់នូវផាសុខភាពខ្លាំងណាស់។
· ក្បាច់មនុស្សស្រីនៅពីលើ ផ្តល់នូវអត្ថប្រយោជន៍ច្រើនដើម្បីអោយអ្នកអាចគ្រប់គ្រងជម្រៅ ក៏ដូចជាមុំនៃការសូកបញ្ចូលលិង្គតាមតម្រូវការរបស់អ្នក។ ចំពោះការមានផ្ទៃពោះវាប្រហែលជាអាចអោយអ្នកមានភាពនឿយហត់ខ្លាំង ហើយប្រសិនបើអ្នកមិនអាចធ្វើបានចូរប្រើក្បាច់ Lying Down Position ជំនួសវិញទៅក៏បាន ប៉ុន្តែចូរចាំថាក្បាច់មួយនេះគឺល្អបំផុតហើយ។
· ក្បាច់ Edge of the Bed ច្រើនតែផ្តល់នូវផាសុខភាពកាន់តែច្រើនក្នុងពេលមានផ្ទៃពោះ។ អ្នកអាចដេកនៅលើគែមរបស់គ្រែ (ជាចំហៀង ឬដេកផ្ងារមួយភ្លេត) ហើយដៃគូរលុតជង្គង់ ឬឈរក្រៅគ្រែក្បែរនោះដែរ។ ចូរប្រើរួមគ្នាជាមួយក្បាច់ Rear Entry បន្ថែមទៀតដោយអ្នកលុតជង្គង់ (កល់ខ្នើយពីក្រោម) ហើយអោយដងខ្លួនខាងលើនៅលើគ្រែតែកុំអោយដល់ពោះ៕