health.com.khយើងខ្ញុំជឿជាក់ថាមនុស្សគ្រប់រូបសុទ្ធតែធ្លាប់មានស្នេហា ប៉ុន្តែតើអ្នកធ្លាប់ជួបស្នេហ៍ពិតឬនៅ? បើអ្នកធ្លាប់ជួប អ្នកនឹងរៀនចេះរឿងខាងក្រោមនេះ។

  1. អ្នកនឹងរៀនចេះជឿជាក់សង្សាររបស់អ្នក ព្រោះមានតែភាពជឿជាក់ទេ ដែលអាចធ្វើឱ្យអ្នកទាំងពីរដើរទៅមុខបាន។
  2. អ្នកនឹងរៀនចេះលើកទឹកចិត្ត និងគាំទ្រឱ្យសង្សាររបស់អ្នកធ្វើអ្វីដែលគេចង់ធ្វើ ហើយនឹងមិនហាមឃាត់ឡើយ ព្រោះអ្នកចង់ឃើញគេសប្បាយចិត្ត និងមានសុភមង្គល។
  3. អ្នកនឹងរៀនចេះលើកលែង និងអត់ឱនទោសឱ្យមនុស្សដែលអ្នកស្រលាញ់ ទោះបីជាគេធ្វើខុសយ៉ាងណាក៏ដោយ ក៏អ្នកអាចបំភ្លេចលឿនដែរ។
  4. អ្នកនឹងរៀនចេះអត់ធ្មត់  ព្រោះមានពេលខ្លះរឿងដែលកើតឡើងហើយគឺអ្នកត្រូវតែទទួលយក ហើយមិនអាចផ្លាស់ប្តូរបានទេ នោះមានតែការអត់ធ្មត់ដើម្បីទទួលយក ទើបអ្នកមិនងាយបែកបាក់គ្នា។
  5. អ្នកនឹងរៀនចេះមានចរឹតមិនងាយខឹង ព្រោះអ្នកដឹងថាពេលខ្លះសង្សារអ្នកនឹងមិនតែងតែទ្រអ្នកឡើយ ព្រោះគេចេះហត់ដូចគ្នា ដូចនេះអ្នកនឹងមិនធ្វើជាមនុស្សដែលពូកែខឹងនោះទេ៕