កម្រាលពូកដែលអ្នកគេងរាល់ថ្ងៃ អ្នកត្រូវតែជ្រើសរើសត្រូវពណ៌ទើបវាអាចនាំសំណាងមកឲ្យអ្នកបាន។ ដូចនេះតើអ្នកគួរតែប្រើកម្រាលពូកពណ៌អ្វីខ្លះទៅ?
ពណ៌ទឹកក្រូច
ចំពោះបន្ទប់មនុស្សចាស់ អ្នកអាចក្រាលកម្រាលពូកពណ៌ទឹកក្រូចខ្ចីឲ្យគាត់បាន ព្រោះវាអាចធ្វើឲ្យពួកគាត់មានអារម្មណ៍ចង់ពិសារអាហារ ថែមទាំងអាចធ្វើឲ្យពួកគាត់អាចស្រូបយកកាលស្យូមបានគ្រប់គ្រាន់ដែលអាចជួយប៉ូវឆ្អឹង ម្យ៉ាងទៀតវាក៏អាចធ្វើឲ្យអ្នកមានអារម្មណ៍ស្រស់ស្រាយ។ អ្នកក៏អាចប្រើពណ៌ផ្ទៃមេឃដែរ នោះវានឹងអាចជួយកាត់បន្ថយអាការៈឈឺក្បាល ឬគេងមិនលក់របស់អ្នកបាន។
ពណ៌ក្រហម
គូស្វាមី ភរិយាដែលទើបនឹងរៀបការថ្មីថ្មោងគួរតែប្រើកម្រាលពូកពណ៌ក្រហមនេះដើម្បីនាំលាភចូលមកកាន់តែច្រើន ប៉ុន្តែចំពោះអ្នកដែលមានជំងឺគេងមិនលក់ ឬមានសរសៃប្រាសាទខ្សោយ គឺមិនត្រូវប្រើឡើយ ព្រោះវាអាចនាំឲ្យអ្នកមានជំងឺកាន់តែធ្ងន់ធ្ងរ។
ពណ៌បៃតង
អ្នកដែលមានអារម្មណ៍មិនស្ងប់ ងាយឆេវឆាវ អ្នកគួរតែប្រើពណ៌បៃតងនេះ ដើម្បីអាចធ្វើឲ្យអ្នកមានអារម្មណ៍ស្រស់ស្រាយជាងមុន។
ពណ៌មាស
អ្នកដែលមានអារម្មណ៍មិនប្រក្រតី មានទុក្ខកង្វល់ច្រើនមិនស័ក្តិសមប្រើពណ៌មាសនេះឡើយ ព្រោះវាអាចធ្វើឲ្យអ្នកកាន់តែមានអារម្មណ៍មួលម៉ៅជាងមុនទៅទៀត។
ពណ៌ផ្ទៃមេឃ
ចំពោះកម្រាលពូកពណ៌ផ្ទៃមេឃនេះវិញ វាស័ក្តិសមសម្រាប់អ្នកប្រើខួរក្បាលច្រើន ជាពិសេសអ្នកប្រើកុំព្យូទ័រតែម្តង។
ពណ៌ស្វាយ
កម្រាលពូកពណ៌នេះអាចធ្វើឲ្យអ្នកមានអារម្មណ៍ស្ងប់ ប៉ុន្តែសម្រាប់អ្នកដែលមានជំងឺបេះដូងមិនគួរប្រើឡើយ។
ពណ៌ផ្កាឈូក
អ្នកដែលមានសម្ពាធការងារ មានអារម្មណ៍មិនប្រក្រតី គួរតែប្រើពណ៌នេះ វានឹងធ្វើឲ្យអ្នកមានអារម្មណ៍ស្ងប់៕