Join with Health.com.kh on Telegram

​អាហារ​ពេលព្រឹក​គឺជា​អាហារ​ដែល​ផ្តល់​ថាមពល​ឲ្យ​អ្នកពេញ​មួយថ្ងៃ ដូចនេះ​ថ្ងៃនេះ​យើងខ្ញុំ​នឹង​ប្រាប់​អ្នក​ពី​អាហារ​ពេលព្រឹក​មួយ​ប្រភេទ​ដែល​ល្អ​ចំពោះ​សុខភាព​អ្នក​។ តើ​មាន​របៀប​ធ្វើ​ដូចម្តេច​ខ្លះ​ទៅ​?

គ្រឿងផ្សំ ៖
ស្រូវ​សាលី​ចំនួន​មួយ​ចាន​តូច ទឹកដោះគោ​ចំនួន​២​ប្រអប់ ត្រសក់ស្រូវ​បរិមាណ​ល្មម ផ្លែ​ស្រការ​នាគ​បរិមាណ​ល្មម ទំពាំងបាយជូរ​បៃតង​បរិមាណ​ល្មម និង​ផ្លែ​ឳ​ឡឹ​ក​បរិមាណ​ល្មម​។​

​របៀប​ចម្អិន ៖

  1. ​ដំបូង​អ្នក​ត្រូវតែ​រៀបចំ​ស្រូវ​សាលី និង​ទឹកដោះគោ​ឲ្យ​រួច​ស្រេច​។​
  2. ​បន្ទាប់​មក​អ្នក​ត្រូវតែ​យក​ទឹកដោះគោ​នោះ​ទៅ​ដាំ​ឲ្យ​ពុះ​ដោយ​ប្រើ​ភ្លើង​មិនធំ​ពេក ហើយ​ក៏​មិនតូច​ពេក​។​
  3. ​បន្ទាប់មក​ទៀត​អ្នក​ត្រូវតែ​ដាក់​ស្រូវ​សាលី​ចូល​ទៅ​ដាំ​ជាមួយ​ទឹកដោះគោ​នោះ ដាំ​រហូត​ដល់​ស្រូវ​សាលី​នោះ​ឆ្អិន រួច​ពន្លត់ភ្លើង ទុក​វាឲ្យ​ត្រជាក់ ហើយ​ដាក់ចូល​ទៅក្នុង​ទូរ​ទឹកកក​ក្លាសេ​។​
  4. ​ចំណែកឯ​ផ្លែឈើ​ទាំងនោះ​វិញ អ្នក​អាច​ចិត​វា​ជា​ដុំ​តូចៗ​។​
  5. ​ក្រោយពេល​ដែល​ចិត​រួច អ្នក​អាច​យក​ទឹកដោះគោ​ស្រូវ​សាលី​នោះ​ចេញពី​ទូរ​ទឹកកក ហើយ​ដាក់​ផ្លែ​ឈើ​ទាំង​នោះ​ចូល​ទៅ​ញ៉ាំ​ជាមួយ​ជាការ​ស្រេច​៕