Join with Health.com.kh on Telegram

​ក្លិនស្អុយ​នៅ​ប្រអប់ជើង ពិតជា​រឿង​មួយ គួរឲ្យ​អាម៉ាស​ណាស់ ជាពិសេស នៅពេល​ក្លិន​របស់​វា សាយភាយ​ពេញ​បន្ទប់ និង​បណ្តាលឲ្យ​មនុស្ស​គ្រប់​គ្នា​ផ្សេងទៀត ចេញ​ទៅ​ខាងក្រៅ ដើម្បី​រក​ខ្យល់អាកាស​ស្រស់ស្រាយ​វិញ​។ សំណាង​ដែរ យើង​មាន​វិធី​ងាយៗ ដែល​អាច​ដោះស្រាយ បញ្ហា​នេះ​បាន​យ៉ាង​អស្ចារ្យ​។ 

តែ​ខ្មៅ​
ចូរ​ជ្រលក់​ប្រអប់ជើង​អ្នក ទៅក្នុង​តែ​ខ្មៅ ព្រោះ​វា​អាច​បំបាត់ ក្លិនស្អុយ​នៅ​ប្រអប់ជើង បាន​ពីរ​របៀប​។ ដំបូង​ឡើយ វា​នឹង​ទៅ​បិទ​រន្ធ​ញើស និង​មិន​សូវ​ធ្វើឲ្យ​ប្រអប់ជើង បែកញើស​ទៀត​ទេ​។ ទី​ពីរ តែ​ខ្មៅ មាន​សមត្ថភាព​សម្លាប់​បាក់តេរី ដែល​អាច​សម្លាប់​មេរោគ ដែល​នៅ​ជាប់​នឹង​ប្រអប់ជើង​អ្នក​បាន​។ ចូរ​ឆុងតែ​ពីរ​កញ្ចប់ ទៅក្នុង​ទឹក​បី​ពែង​។ ក្រោយមក អ្នក​អាច​យក​ទឹក​នោះ មក​ត្រាំ​ជើង​ពី ១៥ ទៅ ២០ នាទី​បាន​ហើយ​។

តែ​ខ្ញី​
ដោយសារ​តែ​ខ្ញី មាន​សមត្ថភាព​ប្រឆាំងនឹង​បាក់តេរី ព្រមទាំង​អាច​បន្សាប ជាតិពុល​បាន​ទៀត​នោះ វា​ពិតជា​ឱសថ​ដ៏​អស្ចារ្យ​មួយ ក្នុង​ការបំបាត់​ក្លិនស្អុយ​នៅ​ប្រអប់ជើង​។ ចូរ​យក​ខ្ញី​ទំហំ​មធ្យម​មួយ​ដុំ ហើយ​បកសម្បក​វា​ឲ្យអស់ ហើយ​ហាន់​ជា​ចំណិ​តូចៗ និង​ដំ​វាឲ្យ​ម៉ត់​។ ដាក់​វា​ចូលទៅក្នុង ទឹក​ក្តៅ​មួយពែង​ហើយ​ទុក​ចោល​យូរ​បន្តិច​។ ដល់​ពេល​វា​ត្រជាក់​ជាក់​ហើយ អ្នក​អាច​យក​ទឹក​របស់​វា យក​ទៅ​ស្រោច​លើ​ប្រអប់ជើង មុនពេល​ចូល​គេ​ង​បាន​ហើយ​៕