Join with Health.com.kh on Telegram

​ការ​ជ្រុះ​សក់​គឺជា​រឿង​ធម្មជាតិ​របស់​មនុស្ស​គ្រប់រូប ហើយ​នរណា​ក៏​មិន​អាច​ចៀសផុត​ដែរ​។ ដូច្នេះ អ្នក​ក៏​មិនបាច់​បារម្ភ​អ្វី​ដែរ​បើសិនជា​សម្គាល់​ឃើញ សក់​ខ្លួនឯង​កំពុងតែ​ជ្រុះ​ដែរនោះ​។

​យ៉ាងណាមិញ បើសិនជា​សក់​អ្នក​ស្រាប់តែ​ស្តើង​ទៅៗ​រហូត​ដល់​ឃើញ​ស្បែក​ក្បាល​ហើយ​នោះ មានន័យ​ថា​អ្នក​ប្រហែលជា​មាន​ជំងឺ​ជ្រុះ​សក់​ហើយ​។ រឿង​នេះ​អាច​បណ្តាលមកពី​កត្តា​ច្រើនណាស់​ដូចជា​៖

  • ​មាន​បញ្ហា​នៃ​ការ​ញ៉ាំ​អាហារ​
  • ​ការបង្ក​រោគ​ធ្ងន់ធ្ងរ​
  • ​ការវះកាត់​
  • ​ដំណរ​ពូជ​
  • ​ស្ត្រេ​ស​
  • ​មាន​ជំងឺ​ប្រព័ន្ធ​ភាពស៊ាំ​ធ្វើការ​ខុស​ប្រក្រតី​
  • ​កង្វះ​ជាតិ​ដែក​
  • ​ការប្រើ​ផលិតផល​សម្រាប់​ថែរក្សា​សក់​
  • ​ការ​សម្រក​ទម្ងន់​
  • ​ការប្រើ​ថ្នាំ​ព្យាបាល​ជំងឺ ដូចជា​មហារីក
  • ការ​សម្រាលកូន​
  • ​រ៉ាំ​ង​រដូវ​

​ខណៈពេល​ដែល​មាន​ការ​ផ្សព្វផ្សាយ​ជាច្រើន​អំពី​ផលិតផល​ដែល​សន្យា​ថា​អាច​ព្យាបាល​បញ្ហា​ជ្រុះ​សក់​បាន​នោះ តែ​យក​ល្អ​បើសិនជា​មិន​ចង់​ចំណាយលុយ​ច្រើន​ទេ អ្នក​អាច​ប្រើ​វិធី​ព្យាបាល​ដោយ​ធម្មជាតិ​បាន​ដោយ​មាន​គ្រឿងផ្សំ​ដូចជា​៖

  • ​ស៊ុត​មួយ​គ្រាប់​
  • ​ទឹកឃ្មុំ​មួយ​ស្លាបព្រា​បាយ​
  • ​ប្រេង Castor Oil ពីរ​ស្លាបព្រា​បាយ​

​ចូរ​យក​គ្រឿងផ្សំ​ទាំងអស់​ចាក់​ចូល​ចាន​តែមួយ​ហើយ​លាយ​វាឲ្យ​សប់​។ បន្ទាប់មក អ្នក​អាច​យក​ល្បាយ​នេះ​លាប​លើ​ស្បែកក្បាល និង​ឬ​ស​សក់​បាន​ហើយ​។ ក្រោយមក ចូរ​យក​មួក​សម្រាប់​ពាក់​ងូតទឹក​គ្រប​លើ​សក់​ដែល​លាប​រួច ហើយ​ទុក​ចោល​២ ទៅ​៤​ម៉ោង ចាំ​លាងជម្រះ​ចេញ​។ អ្នក​អាច​ធ្វើ​បែប​នេះ​ពីរ​ដង​ក្នុង​មួយ​សប្តាហ៍ នោះ​នឹង​ទទួលបាន​លទ្ធផល​នៅពេល​សាកល្បង​បាន​ពីរ​ខែ​៕