សម្រាប់អ្នកម្តាយមួយចំនួនធំ ការឲ្យកូនបៅទឹកដោះគោ គឺជារឿងចៀសមិនផុតនោះទេ ដូច្នេះ អ្នកគួរមានការប្រុងប្រយ័ត្ន និងចងចាំរឿងសំខាន់ៗខាងក្រោមនេះ ដើម្បីការពារកូនរបស់អ្នក មិនឲ្យឆ្លងជំងឺនានា ដែលបណ្តាលមកពីការឆុងទឹកដោះគោ។
អ្វីដែលអ្នកគួរប្រុងប្រយ័ត្ន
១. លាងសម្អាតដៃឲ្យបានស្អាត មុននឹងរៀបចំឆុងទឹកដោះគោឲ្យកូន
២. ជ្រើសរើសទឹកដាំពុះ ដែលក្តៅឧណ្ហមកឆុងឲ្យកូនបៅ (អ្នក៏អាចប្រើទឹកបរិសុទ្ធ ឬទឹករ៉ែផងដែរ ប៉ុន្តែ ត្រូវជ្រើសរើសផលិតផលមានគុណភាពខ្ពស់)
៣. ពិនិត្យមើលកម្តៅទឹកម្តងទៀត ដោយចាក់លើខ្នងដៃរបស់អ្នក ដើម្បីដឹងថា វាត្រជាក់ល្មមនឹងឲ្យកូនបៅ
៤. គ្របកំប៉ុងទឹកដោះគោឲ្យជិតល្អ ក្រោយពេលឆុងរួច
៥. កំប៉ុងទឹកដោះគោ មិនគួរណាប្រើ ឬបើកគម្របលើសពី ១០ ថ្ងៃឡើយ ពីព្រោះ វាអាចខូចគុណភាព និងមានបាក់តេរី ពេលអ្នកបើកម្តងៗ
៦. ឆុងតាមកម្រិតដែលគេណែនាំ៕