អាចម៍ត្រចៀកកូនរបស់អ្នក កម្របង្កជាបញ្ហាធ្ងន់ធ្ងរ ដល់សុខភាពខ្លាំងណាស់ ដូច្នេះ បើមិនចាំបាច់ទេ ឬមិនមានផលរំខានទេ អ្នកមិនគួរឆ្កឹះវាចេញនោះទេ។
ពេលក្លាយជាឪពុកម្តាយគេ អ្នកតែងតែបារម្ភគ្រប់ជំហាន ហើយងឿងឆ្ងល់នូវបញ្ហាជាច្រើន រហូតពេលខ្លះ អ្នកបែរជាធ្វើខុសទៅវិញ។ អាចម៍ត្រចៀកកូន ក៏ជារឿងរសើប ដែលឪពុកម្តាយភាគច្រើនយល់ច្រឡំផងដែរ។ ការមានអាចម៍ត្រចៀក គឺជារឿងធម្មតានោះទេ ហើយអ្នកមិនចាំបាច់បារម្ភ ឬខ្វាយខ្វល់ពីវាច្រើនពេកនោះទេ។
ប៉ុន្តែ សូមប្រញាប់ទាក់ទៅគ្រូពេទ្យភ្លាម ប្រសិនបើអ្នកសង្កេតឃើញថា ៖
១. កូនស្តាប់មិនសូវលឺ
២. ហូរអាចម៍ត្រចៀកចេញក្រៅជាប់យូរថ្ងៃ
៣. កូនយកដៃឆ្កឹះ ឬអេះញឹកញាប់
៤. ត្រចៀកមានក្លិនស្អុយ ឡើងក្រហម ឬមានហូរទឹករងៃ
៥. កូនក្តៅខ្លួន មិនស្រួលខ្លួន ឬយំមិនបាត់៕
អាចម៍ត្រចៀកកូន … គួរឆ្កឹះយកចេញ ឬមិនគួរ?
