Join with Health.com.kh on Telegram

​ពុទ្ធ្រា​ក្រហមមិន​ត្រឹមតែ​អាច​ធ្វើឲ្យ​ស្បែក​អ្នក​ស្អាត​នោះទេ ថែម​ទាំង​អាច​ជួយ​ពន្យារ​ភាព​ចាស់ ការពារ​ក្រពះ ជំងឺ​ប្រតិកម្ម និង​ជំងឺ​មហារីក​ទៀតផង ប៉ុន្តែ​ប្រសិនជា​អ្នក​ពិសារ​ខុស​ជា​មួយ​អាហារ​ផ្សេង វា​នឹង​អាច​ប៉ះពាល់​ដល់​សុខភាព​អ្នក​បាន​។ ដូចនេះ​តើ​មាន​អ្វីខ្លះ​ដែល​អ្នក​មិន​អាច​បរិភោគ​ជាមួយ​ពុទ្ធ្រា​ក្រហមនោះ​?

ស្លឹក​ខ្ទឹម​
នៅពេល​ដែល​អ្នក​ពិសារ​វា​ជា​មួយ​ស្លឹក​ខ្ទឹម វា​នឹង​ធ្វើឲ្យ​អ្នករំលាយ​អាហារ​មិនបាន​ល្អ ដូចនេះ​អ្នក​មិន​ត្រូវ​បរិភោគ​ជាមួយគ្នា​ឡើយ​។​

ក្តាម​
ប្រសិន​ជា​អ្នក​មិន​ចង់​ប្រឈមមុខ​នឹង​ជំងឺ​ផ្សេងៗ ក្រោយពេល​ដែល​អ្នក​ញ៉ាំ​ពុទ្ធ្រា​ក្រហម​រួចចំនួន​២​ម៉ោង ទើប​អាច​ញ៉ាំ​ក្តាម​បាន​។​

ថ្លើម​សត្វ​
អ្នក​មិន​គួរ​ពិសារ​ពុទ្ធ្រា​ក្រហម​ជាមួយនឹង​ថ្លើម​សត្វ​នោះទេ ព្រោះ​វា​អាច​បំផ្លាញ​វីតាមីន​ផ្សេងៗ​ដែល​មាន​ក្នុង​រាងកាយ​អ្នក​បាន​។​

ត្រី​
នៅពេល​ដែល​អ្នក​ពិសារ​ជាមួយ​ត្រី ក៏ដូចជា​ញ៉ាំ​ជាមួយ​ស្លឹក​ខ្ទឹម​ដែរ វា​នឹង​ធ្វើឲ្យ​ក្រពះ​អ្នក​ពិបាក​រំលាយ​អាហារ​បាន​។​

ទឹកដោះគោ​
នៅពេល​ដែល​អ្នក​ពិសារ​ពុទ្ធ្រា​ក្រហម​រួច អ្នក​មិន​ត្រូវ​ញ៉ាំ​អាហារ​ដែល​មាន​ប្រូតេអ៊ីន​ខ្ពស់​ទេ ជាពិសេស​ផលិតផល​ដែល​ធ្វើ​ពី​ទឹកដោះគោ ព្រោះ​វីតាមីន​C​អាច​ធ្វើឲ្យ​អាហារ​ដែល​មាន​ប្រូតេអ៊ីនទាំង​ពីរ​នេះ​កក​ជា​ដុំ ដែល​ធ្វើ​ឲ្យ​ពិបាក​ស្រូបយក ដូចនេះ​ក្រោយពេល​ដែល​អ្នក​ពិសារ​ពុទ្ធ្រា​ក្រហម​ចំនួន​២​ម៉ោង​រួច ទើប​អាច​ញ៉ាំ​ផលិតផល​ដែល​ធ្វើ​ពី​ទឹកដោះគោ​បាន​៕