ការកាត់ស្បែកគ្របក្បាលលិង្គ ឬកាត់ចុង គឺជាទំនៀមទម្លាប់តាមបែបសាសនា របស់ជនជាតិជ្វីស និងអ៊ីស្លាម និងមនុស្សរស់នៅ ក្នុងប្រទេសអាហ្វ្រិក និងអូស្ត្រាលីដែរ។ ការកាត់ស្បែកគ្របក្បាលលិង្គ ក៏អាចជាបញ្ហាមួយ នៃទំនៀមទម្លាប់ក្នុងគ្រួសារ អនាម័យផ្ទាល់ខ្លួន ឬដើម្បីបង្ការជំងឺដែរ។ ពេលខ្លះ អាចនឹងមានជំងឺណាមួយ ដែលតម្រូវឲ្យកាត់ ស្បែកក្បាលលិង្គតែម្តង ដូចជា ពេលដែលស្បែកគ្របក្បាលលិង្គនោះ តឹងខ្លាំងពេក ឬមិនអាចព្រលាត់ក្បាលលិង្គ ចេញមកក្រៅបាន។ ករណីខ្លះទៀត ការកាត់ស្បែកក្បាលលិង្គ ត្រូវបានណែនាំឲ្យធ្វើ លើក្មេងប្រុសអាយុច្រើន ឬបុរសវ័យចំណាស់ ដើម្បីបន្ថយការប្រឈមនឹងជំងឺកាមរោគ ជាពិសេស បុរសដែលរស់នៅ ក្នុងប្រទេសអាហ្វ្រិកតែម្តង។
សភាបណ្តុះបណ្តាល ផ្នែកជំងឺកុមារអាមេរិក (American Academy of Pediatrics, AAP) បានឲ្យដឹងថា អត្ថប្រយោជន៍ នៃការកាត់ស្បែកគ្របក្បាលលិង្គ មានអត្ថប្រយោជន៍ ច្រើនជាងការប្រឈមមុខ។ ទោះបីជាយ៉ាងណាក៏ដោយ AAP មិនបានណែនាំ ឲ្យមានទម្លាប់កាត់ស្បែកគ្រប់ក្បាលលិង្គ លើទារកប្រុស ទើបកើតគ្រប់គ្នានោះទេ ព្រោះវាអាស្រ័យទៅតាម ការសម្រេចចិត្ត របស់ឪពុកម្តាយទារកផ្ទាល់។
ការកាត់ស្បែកគ្រប់ក្បាលលិង្គ ប្រហែលជាមានអត្ថប្រយោជន៍ ដល់សុខភាពច្រើន ដូចជា ៖
- ងាយស្រួលធ្វើអនាម័យជាងមុន ៖ ការកាត់ស្បែកគ្របក្បាលលិង្គ អាចធ្វើឲ្យក្មេងប្រុស លាងសម្អាតលិង្គ កាន់តែស្រួលជាងមុន។ ទោះបីជាយ៉ាងណាក៏ដោយ ការលាងសម្អាតនៅតំបន់ខាងក្រោម ស្បែកគ្របក្បាលលិង្គ ជាទូទៅ ក៏មានភាពងាយស្រួលដែរ។
- កាត់បន្ថយការប្រឈមនឹង ការបង្ករោគនៅផ្លូវទឹកម៉ូត ៖ ការប្រឈមមុខនឹង ការបង្ករោគនៅផ្លូវទឹកម៉ូតទាំងអស់ នឹងថយចុះខ្លាំង ប៉ុន្តែ ការបង្ករោគទាំងនេះ ភាគច្រើន កើតឡើងជាងគេលើបុរស ដែលមិនទាន់កាត់ស្បែក គ្របក្បាលលិង្គតែម្តង។ ការបង្ករោគធ្ងន់ធ្ងរភ្លាមៗ អាចនឹងបណ្តាលឲ្យមានបញ្ហា លើតម្រងនោម នៅថ្ងៃអនាគត់បាន។
- កាត់បន្ថយការប្រឈម នឹងជំងឺកាមរោគ ៖ បុរសដែលកាត់ស្បែកគ្របក្បាលលិង្គរួច ប្រហែលជាថយចុះ នូវការប្រឈមនឹងជំងឺកាមរោគ ជាពិសេស ជំងឺអេដស៍តែម្តង។ ប៉ុន្តែ ការរួមភេទប្រកបដោយសុវត្ថិភាព ត្រូវមានជានិច្ច។
- បង្ការបញ្ហាលើលិង្គ ៖ ជាម្តងម្កាល ការដែលបន្សល់ទុក នូវស្បែកគ្របក្បាលលិង្គ អាចជារឿងពិបាក ឬមិនអាចទាញ ដើម្បីសម្អាតបាន។ ហេតុដូច្នេះហើយ វានឹងធ្វើឲ្យមាន ការរលាកនៅលើស្បែកនោះ ឬក្បាលលិង្គទៀត។
- កាត់បន្ថយការប្រឈម នឹងជំងឺមហារីកលិង្គ ៖ ទោះបីជាជំងឺមហារីកលិង្គ កម្រនឹងកើតមានក៏ដោយ ក៏វាមិនសូវកើតមានជាញឹកញាប់ លើបុរសដែលកាត់ ស្បែកគ្របក្បាលលិង្គរួចណាស់។ ក្រៅពីនេះ ជំងឺមហារីកមាត់ស្បូន ក៏មិនសូវកើតមាន លើដៃគូរួមភេទដែរ។
- ការកាត់ស្បែកគ្របក្បាលលិង្គ ប្រហែលមិនមែនជាជម្រើស ដែលត្រូវធ្វើទេ បើសិនជាអ្នកជំងឺ មានបញ្ហាឈាមក្រកក ឬបញ្ហាកំណកឈាម។
- ការកាត់ស្បែកគ្របក្បាលលិង្គ មិនប៉ះពាល់ដល់លទ្ធភាព នៃការមានកូនទេ ប៉ុន្តែ វាបែរជាជួយជំរុញ ដល់ភាពសុខស្រួល ខាងផ្លូវភេទទាំងបុរស និងដៃគូទៅវិញ៕