Join with Health.com.kh on Telegram

តាម​ការសិក្សា​បាន​រកឃើញថា អាហារ​ភាគច្រើន អាច​ជួយ​កាត់បន្ថយ​ការ​ភ្លេចភ្លាំង ដោយសារ​ការ​ចាស់​ទៅតាម​អាយុ និង​ជំងឺ​ភ្លេចភ្លាំង​វង្វេងស្មារតី នៅពេល​ចាស់ជរា​បាន​។ តើ​អ្នក​មាន​អ្វី​ញ៉ាំ សម្រាប់​អាហារ​ពេលព្រឹក ថ្ងៃត្រង់ និង​ពេលយប់​ទៅ ដើម្បី​បង្កើន​សមត្ថភាព ឲ្យ​ខួរក្បាល​កាន់តែ​ពូកែ​នោះ​? មែន​ហើយ អ្នកជំនាញ​និយាយថា ជាធម្មតា អ្វី​ដែល​ល្អ​ចំពោះ​បេះដូង វា​ក៏​ល្អ​ចំពោះ​ខួរក្បាល​ដែរ​។ ដូច្នេះ ខួរក្បាល​របស់​អ្នក ត្រូវការ​ឈាម​ដែល​ច្របាច់ ចេញពី​បេះដូង​រហូតដល់ ២០ ភាគរយ​ឯណោះ​ដើម្បី​ទទួលបាន​អុកស៊ីសែន និង​ជីវជាតិ​គ្រប់គ្រាន់ ដើម្បី​រក្សា​មុខងារ របស់​ខួរក្បាល​បាន​ល្អ​បំផុត​។

​ហេតុដូច្នេះ​ហើយ ដើម្បី​ច​ញ្ចឹម ក៏ដូចជា​ប៉ូវ​ខួរក្បាល កាន់តែ​ខ្លាំងក្លា​នោះ អ្នក​គួរតែ​បញ្ចូល​អាហារ ដូចខាងក្រោម​នេះ ទៅ​ក្នុង​របប​អាហារ​អ្នក រាល់ថ្ងៃ​ហើយ​។
​ត្រី​សម្បូរ​ខ្លាញ់​

​អាហារ​សមុទ្រ យ៉ាងហោចណាស់ ក៏​ផ្តល់​ជីវជាតិ​ពីរ​ប្រភេទ ដើម្បី​រក្សា​ខួរក្បាល​ដែរ នោះ​គឺ ខ្លាញ់​អូ​មេហ្គា​បី និង​វីតាមីន D​។ ត្រី​សម្បូរ​ខ្លាញ់ ដែល​មាន​ប្រភព​មក​ពី អាហារ​សមុទ្រ​នោះ មានដូចជា ត្រី​សាល​ម៉ុង ឬ​ធូ​ណា ដែល​អ្នក​គួរតែ​ទទួលទាន បី​ដង​ក្នុង​មួយ​សប្តាហ៍ ដើម្បី​បន្ថយ​ការ​ប្រឈម នឹង​ជំងឺ​ភ្លេច​ភ្លាំង ពេល​ចាស់ជរា​បាន​រហូត​ដល់ ៤០ ភាគរយ​។ អាស៊ីត​ខ្លាញ់​អូ​មេហ្គា​បី ដែលមាន DHA និង EPA គឺ​សម្បូរ​ខ្លាំង​ណាស់​ក្នុង​ខួរក្បាល ហើយ​វា​ក៏​ជា​ប្រភព​ដ៏​សំខាន់ ដើម្បី​ខួរក្បាល​បំពេញ​មុខងារ​បានល្អ​បំផុត​ដែរ​។ ចំពោះ​វីតាមីន D របស់​អាហារ​មួយ​នេះ​វិញ ត្រូវបាន​គេ​រកឃើញ​ថា អាច​ជួយ​ការពារ​ខួរក្បាល​បាន​យ៉ាង​ល្អ​។

បន្លែ​ពណ៌​បៃតង​
​បន្លែ​ពណ៌​បៃតង ដូចជា​ស្ពៃ​ស្ពីណា​ច គឺ​សម្បូរ​វីតាមីន K ហើយ​ក៏​ត្រូវបាន​គេ​រកឃើញ​ថា ជួយ​បន្ថយ​ការ​ចុះខ្សោយ នៃ​បញ្ញា​វាងវៃ​របស់​មនុស្ស​បាន​ដែរ​។ អ្នក​ដែល​ញ៉ាំ​បន្លែ​ពណ៌​បៃតង ម្តង​ទៅ​ពីរ​ដង​ក្នុង​មួយថ្ងៃ ឃើញថា សមត្ថភាព​នៃ​ភាព​ឈ្លាសវៃ​របស់​ពួកគេ នៅ​តែ​រក្សា​បាន​យ៉ាង​ល្អ ជាង​អ្នក​ដែល​មិន​បាន​ញ៉ាំ​។

ប្រេង​អូ​លីវ​
​ប្រេង​អូ​លីវ ជា​ប្រភព​ដ៏​អស្ចារ្យ​មួយ នៃ​សារធាតុ Polyphenols ដែល​ជា​អង់​ទី​អុក​ស៊ីដង់ដ៏​ខ្លាំងក្លា អាច​ជួយ​បង្ការ និង​ដោះស្រាយ​បញ្ហា និង​ជំងឺ​ទាក់ទង​នឹង​ការចងចាំ​របស់​មនុស្ស​បាន​។ ប្រេង​នេះ នឹង​ជួយ​ពង្រឹង​ដល់​ការចងចាំ លុបបំបាត់​ជាតិ​ខ្លាញ់​អាក្រក់ (Saturated Fats) និង​មាន​ជាតិ​ខ្លាញ់​ល្អ Polyunsaturated Fats ដែល​អាច​កាត់បន្ថយ ជំងឺ​ភ្លេចភ្លាំង​ពេល​ចាស់ជរា​បាន​។

​បឺ​រី​ពណ៌​ខៀវ​
​ផ្លែឈើ​ប្រភេទ បឺរី​ដ៏​អស្ចារ្យ​មួយនេះ មាន​អង់​ទី​អុកស៊ី​ដង់​មួយ​ប្រភេទ ឈ្មោះថា Anthocyanin ដែល​ផ្តល់​សុខភាព​ជា​ពិសេស ដល់​ខួរក្បាល​តែម្តង​។ តាម​ការស្រាវជ្រាវ​រក​ឃើញថា សារធាតុ​មួយ​នេះ អាច​ឆ្លង​ចូលទៅ​ក្នុង​ខួរក្បាល ដើម្បី​ការពារ​កោសិកា​ខួរក្បាល ពី​ការធ្វើ​អុកស៊ីតកម្ម​បាន​ផង និង​ជួយ​បង្កើន​សមត្ថភាព ទំនាក់ទំនង​សរសៃប្រសាទ​មួយៗ​បាន​យ៉ាង​ល្អ​៕