Join with Health.com.kh on Telegram

​មិនមែន​មនុស្ស​គ្រប់​រូប​សុទ្ធ​តែ​ស័ក្តិសម​ទៅ​ឆេង​ម៉េង​នោះទេ មាន​មនុស្ស​មួយចំនួន និង​មាន​ព្រឹត្តការណ៍​មួយ​ចំនួ​ន​ដែល​អ្នក​មិន​អាច​ទៅបាន​។ តើ​មាន​អ្វី​ខ្លះ​ទៅ​?

សុខភាព​ខ្សោយ​
ប្រសិន​ជា​នៅ​ថ្ងៃ​ដែល​អ្នក​ទៅ​ឆេង​ម៉េង ហើយ​អ្នក​មាន​បញ្ហា​សុខភាព ឬ​មាន​អារម្មណ៍​មិន​ស្រួលខ្លួន អ្នក​មិន​ត្រូវ​ទៅ​ឡើយ បើ​ពុំ​ដូច្នោះ​ទេ ពេល​ដែល​អ្នក​ត្រឡប់មកផ្ទះ​វិញ​នឹង​មាន​រឿង​ជាមិនខាន ដូចនេះ​អ្នក​គួរតែ​សម្រាក​នៅ​ផ្ទះ​វិញ​ទៅ​ល្អ​ជាង ឬ​អ្នក​អាច​ប្តូរ​ថ្ងៃ​ក៏​បាន​ដែរ​។ ជាងនេះទៅទៀត ប្រសិន​ជា​ញាតិមិត្ត​អ្នក​ស្លាប់​មិន​ទាន់​បាន​៣​ឆ្នាំ អ្នក​មិន​អាច​ទៅ​សែន​បានឡើយ​។​

ស្ត្រី​មាន​ផ្ទៃពោះ​
ចំពោះ​ស្ត្រី​មាន​ផ្ទៃពោះ និង​កុមារ​ក្រោម​អាយុ​៦​ឆ្នាំ​គឺ​មិន​អាច​ទៅ​ឆេង​ម៉េង​បានឡើយ ព្រោះ​កន្លែង​ផ្នូរខ្មោច​ទាំងនោះ​គឺ​មិន​ស័ក្តិសម​សម្រាប់​អ្នក​ទាំង​ពីរ​ទៅ​នោះ​ទេ វា​អាច​ប៉ះពាល់​ដល់​អ្នក​ជា​ខ្លាំង ជា​ពិសេស​នារី​ដែល​មក​រដូវ​ក៏​មិន​អាច​ទៅ​បាន​ដែរ ហើយក៏​មិន​អាច​អ៊ុច​ធូប​ដូចគ្នា ព្រោះ​បើ​អ្នក​មក​រដូវ ហើយ​អ៊ុច​ធូប​ឲ្យ​ជីដូន​ជីតា នោះ​បញ្ជាក់ថា​អ្នក​កំពុងតែ​បំពាន​ពួកគាត់​ហើយ​។​

មិន​ត្រូវ​កំដរគេ​ទៅ​
ប្រសិន​ជា​មិន​មែន​ជីដូន​ជីតា​អ្នក អ្នក​មិន​ត្រូវ​កំដរ​មិត្តភក្តិ ឬ​សង្សារ ឬ​ថ្នាក់​លើ​អ្នក​ទៅ​ឆេង​ម៉េង​នោះទេ ព្រោះ​វា​អាច​ប៉ះពាល់​ដល់​សំណាង​របស់​អ្នក​បាន ប៉ុន្តែ​ប្រសិនជា​អ្នក​ត្រូវ​តែ​ទៅ​ដោយ​ខាន​ពុំ​បាន អ្នក​អាច​នាំ​យក​របស់​សំណាង​មួយ​ចំនួន​ទៅ​តាម​ខ្លួន​របស់​អ្នក ដើម្បី​ជួយ​ការពារ​អ្នក​បាន​៕