នៅក្នុងទឹកឃ្មុំមានសារធាតុចិញ្ចឹមជាច្រើនដែលអាចជួយធ្វើឲ្យអ្នកមានសុខភាពល្អ និងមានសម្ជស្សកាន់តែស្អាត ប៉ុន្តែទាល់តែអ្នកញ៉ាំចំទឹកឃ្មុំដែលសុទ្ធ ទើបវាអាចផ្តល់អត្ថប្រយោជន៍ដល់អ្នកបាន។ ដូចនេះខាងក្រោមនេះយើងខ្ញុំនឹងប្រាប់អ្នកពីរបៀបក្នុងការបែងចែកថាទឹកឃ្មុំមួយណាសុទ្ធ ហើយមួយណាក្លែងក្លាយ។
ដំបូងអ្នកអាចយកទឹកឃ្មុំ២ប្រភេទខុសគ្នាចាក់ចូលទៅក្នុងដបពីរ បន្ទាប់មកអ្នកត្រូវតែយកទឹកចាក់ចូលទៅក្នុងទឹកឃ្មុំទាំងពីរដបនោះ ហើយប្រើកម្លាំងខ្លាំងដើម្បីក្រឡុក។ ប្រសិនជាវាជាទឹកឃ្មុំដែលសុទ្ធ វានឹងចេញពពុះជាច្រើនដែលមិនងាយចុះទៅវិញទេ ជួនកាលអាចរក្សាពពុះនោះបានរយៈពេល២ម៉ោង ចំណែកឯទឹកឃ្មុំដែលមិនសុទ្ធវិញ វានឹងមិនសូវមានពពុះទេ ហើយងាយសាបទៅវិញណាស់។ ជាងនេះទៅទៀតនៅមានវិធីម្យ៉ាងទៀតក្នុងការមើលដឹង ដោយនៅពេលដែលអ្នកឆុងទឹកក្តៅរួច វានឹងមានរសជាតិផ្អែម តែលាយជាមួយរសជាតិចត់ផងដែរ នោះវាជាទឹកឃ្មុំដែលសុទ្ធហើយ ប៉ុន្តែបើមិនសុទ្ធ វាគ្រាន់តែមានរសជាតិផ្អែមតែមួយគត់ប៉ុណ្ណោះ៕
គ្រាន់តែទឹកឃ្មុំមួយដបអាចដឹងថាទឹកឃ្មុំសុទ្ធ ឬមិនសុទ្ធ!
