ម្រេចសជាគ្រឿងទេសដ៏មានអត្ថប្រយោជន៍ស្មានមិនដល់ ប៉ុន្តែភាគច្រើននៃពួកយើងប្រហែលជាមិនធ្លាប់ចាប់អារម្មណ៍ដឹងឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើម្រេចសអាចផ្ដល់ផលល្អៗអ្វីខ្លះ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួររួមបញ្ចូលម្រេចសក្នុងរបបអាហារប្រចាំថ្ងៃ ៖
១. បំបាត់ការឈឺចាប់
ម្រេចសមានផ្ទុកសារធាតុ capsaicin ដែលជួយបំបាត់អាការៈឈឺចាប់បានយ៉ាងប្រសើរ ពិសេសការឈឺចាប់ដែលបណ្ដាលមកពីការកន្ត្រាក់សាច់ដុំ ឬគ្រេចថ្លស់។ ការរួមបញ្ចូលម្រេចសក្នុងរបបអាហារក៏ល្អសម្រាប់បំបាត់អាការៈឈឺចាប់បណ្ដាលមកពីការហើមសាច់ដុំផងដែរ។
២. បន្ថយអាការៈឈឺរលាកសន្លាក់
នេះក៏ព្រោះតែម្រេចសជាប្រភពដ៏ប្រសើរនៃសារធាតុ capsaicin ដែលមានផ្ទុកលក្ខណៈសម្បត្តិប្រឆាំងការរលាក។ ដូច្នេះមានន័យថា ម្រេចស គឺល្អណាស់សម្រាប់អ្នកដែលមានបញ្ហារលាកសន្លាក់។
៣. ជួយឱ្យស្រកទម្ងន់
សារធាតុ capsaicin ក្នុងម្រេចសពិតជាអាចជួយដុតបំផ្លាញជាតិខ្លាញ់ក្នុងរាងកាយដែលនាំឱ្យស្រកទម្ងន់។
៤. គ្រប់គ្រងសម្ពាធឈាម
ម្រេចសក៏មានផ្ទុកសម្បូរទៅដោយសារធាតុ flavonoids វីតាមីន C និងវីតាមីន A ដែលល្អណាស់សម្រាប់គ្រប់គ្រងសម្ពាធឈាម។ អ្នកដែលមានបញ្ហាសម្ពាធឈាមឡើងខ្ពស់គួររួមបញ្ចូលម្រេចសក្នុងរបបអាហារប្រចាំថ្ងៃ។
៥. ល្អសម្រាប់សុខភាពបេះដូង
ដោយមានលក្ខណៈសម្បត្តិជួយគ្រប់គ្រងសម្ពាធឈាម ម្រេចសក៏ល្អសម្រាប់រក្សាសុខភាពបេះដូងគួរឱ្យកត់សម្គាល់ផងដែរ។
៦. លក្ខណៈសម្បត្តិប្រឆាំងអុកស៊ីតកម្ម
វត្តមាននៃសារធាតុ flavonoids និងវីតាមីនក្នុងម្រេចស គឺទទួលខុសត្រូវសម្រាប់លក្ខណៈសម្បត្តិប្រឆាំងអុកស៊ីតកម្មដែលជួយកម្ចាត់រ៉ាឌីកាល់សេរីទប់ស្កាត់ការបំផ្លាញកោសិកា។
៧. ព្យាបាលជំងឺមហារីក
សារធាតុ Capsaicin ក្នុងម្រេចសអាចកម្ចាត់កោសិកាមហារីក។ វាត្រូវបានរកឃើញថាមានអត្ថប្រយោជន៍ជាពិសេសក្នុងការព្យាបាលជំងឺមហារីកក្រពេញប្រូស្តាត៕