Join with Health.com.kh on Telegram

​មាន​នារី​មួយចំនួន​ចូលចិត្ត​ពាក់អាវ​ក្នុង​ហើយ​មិន​បោក​ណាស់ ទុក​រហូត​ដល់​ទៅ​២ ឬ​៣​ថ្ងៃ​ទើប​បោក​ម្តង ជួនកាល​អាច​ដល់​មួយអាទិត្យ​ក៏មានដែរ​។ ដូចនេះ​តើ​អ្នក​ដឹង​ទេ​ថា​វា​នាំ​ផលវិបាក​ជាច្រើន​ដល់​អ្នក​នោះ​។ តើ​មាន​អ្វី​ខ្លះ​ទៅ​?

ផ្ទុកមេរោគ​ជាច្រើន​
នៅពេល​ដែល​អ្នក​ផ្ទុក​អាវ​ក្នុង​ជា​ច្រើន​នៅ​មួយកន្លែង នោះ​មេរោគ​ជាច្រើន​នឹង​ចាប់ផ្តើម​រស់នៅ​កន្លែង​នោះ ជា​ហេតុ​ដែល​អាច​ធ្វើឲ្យ​អ្នក​មាន​គ្រោះថ្នាក់​ជា​ខ្លាំង ជាពិសេស​គឺ​មាន​គ្រោះថ្នាក់​ដល់​សុខភាព​។​

បញ្ចេញ​ក្លិនស្អុយ​
នៅពេល​ដែល​អ្នក​មិន​បោក​អាវ​ក្នុង​ជាច្រើន​ថ្ងៃ វា​នឹង​បញ្ចេញ​ក្លិនស្អុយ​មក​ក្រៅ ដែល​អាច​ភាយ​ក្លិន​ទាំងនោះ​ទៅលើ​អាវ​ផ្សេង​ទៀត​ដែល​ពិបាក​ជម្រះ​ក្លិន​មិនល្អ​ទាំង​នោះ​ណាស់ ទោះបីជា​អ្នកបាញ់​ទឹកអប់​ច្រើន​យ៉ាងណាក៏ដោយ​។​

ប្រែ​ពណ៌​
វា​នឹង​ប្រែ​ពណ៌​ប្រសិន​ជា​អ្នក​មិន​បោក​វា​ភ្លាមៗ ដោយសារ​តែ​ញើស និង​ខ្លាញ់​ទាំងនោះ​នឹង​ក​កជាប់​នៅលើ​អាវ​ក្នុងនោះ ដែល​អាច​ធ្វើ​ឲ្យ​ពិបា​កបោក​ខ្លាំងណាស់​។​

ស្បែក​ប្រតិកម្ម​
ប្រសិន​ជា​អ្នក​ពាក់អាវ​ក្នុង​ដែល​មិន​បាន​បោក​ច្រើន​ថ្ងៃ នោះ​មេរោគ​ជាច្រើន​នឹង​ផ្ទុក​នៅក្រោម​សុដន់​អ្នក ដែល​អាច​ធ្វើឲ្យ​ស្បែក​អ្នកអាច​មាន​ជំងឺ​ប្រតិកម្ម​បាន​យ៉ាង​ងាយ​។​

រមាស់​គល់​សុដន់​
នៅពេល​ដែល​អ្នក​ផ្ទុក​អាវ​ក្នុង​ច្រើន​ទើប​បោក នោះ​អ្នកនឹង​បោក​មិន​ស្អាត​ឡើយ ដូចនេះ​នៅពេល​ដែល​អ្នក​ពាក់​រួច វា​នឹង​អាច​ធ្វើឲ្យ​គល់​សុដន់​អ្នក​រមាស់ ដោយសារ​តែ​វា​ជា​ផ្នែក​ដែល​នៅ​ជាប់​ជាមួយ​អាវ​ក្នុង​នោះ​ជាង​គេ​៕