Join with Health.com.kh on Telegram

​ថ្ងៃនេះ​យើង​សូម​ធ្វើ​ការបង្ហាញ​អ្នក​រាល់គ្នា នូវ​វិធី​ដ៏​ងាយស្រួល និង​មាន​ប្រសិទ្ធភាព​មួយ ក្នុង​ការព្យាបាល​នូវ​បញ្ហា​ផ្សេងៗ​នៅលើ​ប្រអប់ជើង និង​អាច​ផ្តល់ឲ្យ​នូវ​ការថែទាំដ៏​ល្អ​មួយ ។ អ្នក​ចាំបាច់​ត្រូវការ​ផលិតផល​តែមួយ​មុខ​គត់ ដែល​មាន​ស្រាប់​ទៅ​ហើយ​ក្នុង​បន្ទប់ទឹក​របស់​អ្នក​។​

​ជា​ការពិត​មនុស្ស​រាល់​គ្នា​គិតថា ទឹក​ខ្ពុរមាត់​គឺ​អាច​ប្រើ​សម្រាប់​តែ​សម្អាត និង​កំចាត់​ក្លិន​មាត់​ប៉ុណ្ណោះ តែ​វា​នូវមាន​អត្ថប្រយោជន៍​ផ្សេង​ទៀត​ដែល​អ្នក​មិនដឹង​។ ប្រសិនបើ​អ្នក​ត្រាំ​ប្រអប់ជើង​ទាំងពីរ នៅក្នុង​ទឹក​ខ្ពុរមាត់ ក្នុង​រយៈពេល​កន្លះ​ម៉ោង​ជា​រៀងរាល់​ថ្ងៃ​នោះ អ្នក​នឹង​អាច​កំចាត់​បាន នូវ​ការបង្ក​រោគ​ដោយ​ពពួក​មេរោគ​ផ្សិត ពីព្រោះ​ថា​ផលិតផល​នេះ គឺ​មាន​ផ្ទុក​នូវ​សមាសធាតុ​ផ្សំ​ម្យ៉ាង ដូចជា​អាល់កុល​ដែល​វា​មាន​អត្ថប្រយោជន៍ ក្នុង​ការព្យាបាល​នូវ​បញ្ហា​នេះ ។ លើសពីនេះ​ទៀត អ្នក​ក៏​អាច​ប្រើ​ទឹក​ក្រូចឆ្មារ និង​ទឹកខ្មេះ សម្រាប់​ធ្វើ​ការសម្អាត​ប្រអប់ជើង​របស់​អ្នក​បាន​ដូច​គ្នា​ផង​ដែរ ។​

​ប្រសិនបើ​អ្នក​ត្រាំ​ដៃ​របស់​អ្នក នៅក្នុង​ទឹក​ខ្ពុរមាត់ នោះ​វា​នឹង​អាចជួយ​ព្យាបាល​បញ្ហា​នៃ​ការបង្ក​រោគ​របស់​មេរោគ​ផ្សិត​នៅ​លើ​ដៃ​។ អ្នក​ក៏​អាច​ប្រើ​ខ្ទឹម​បារាំង មក​ព្យាបាល​បញ្ហា​សាច់ដុំ​ពក​តូចៗ ដុះ​នៅលើ​ជើង​បានដែរ ដោយ​អ្នក​ត្រូវ​កាត់​ខ្ទឹមបារាំង​ជា​ចំណិតៗ ជ្រលក់​វា​ចូលទៅក្នុង​ទឹក​ខ្មេះ ហើយ​ដាក់​វា​នៅក្រោម​បាតជើង រួច​ពាក់​ស្រោមជើង​។ អ្នក​គួរ​បន្ត​អនុវត្ត​ដូចនេះ រហូត​ដល់​ស្បែក​ដុំ​សាច់​ពក​នោះ​ទៅ​ជា​ទន់ ហើយ​អាច​កាត់ចេញ​បាន ។​

​លើសពីនេះទៅទៀត សម្រាប់​អត្តពលករ​ដែល​មាន​បញ្ហា​ជា​មួយម្រាម​ជើង ពួកគេ​អាច​ប្រើ​ខ្ទឹម​សបាន ដោយ​ពួកគេ​អាច​ប្រើ​ខ្ទឹម​ស យកមក​ដាក់​នៅ​ចន្លោះ​មេជើង​និង​ម្រាមជើង​ដទៃទៀត ហើយ​ទុក​វា​ឲ្យបាន ២៤​ម៉ោង​។​
​អំបិល​ដែល​សម្បូរ​ទៅ​ដោយ​សារធាតុ ម៉ាញ៉េស្យូ​មស៊ុ​លផាត គឺ​អាច​ជួយ​កាត់បន្ថយ​ការឈឺចាប់ និង​ការ​លាក​ដូច្នេះ អ្នក​អាច​ប្រើ​វា​សម្រាប់​បំបាត់​អា​ការៈឈឺចាប់​ដោយសារតែ ការ​ហើម​ពក​មេ​ជើងបាន​ផងដែរ ៕