ក្រៅពីមើលតាមទម្រង់នៃម្រាមដៃ ម្រាមជើង និងប្រភេទឈាម កណ្តាប់ដៃក៏អាចប្រាប់អ្នកពីអត្តចរឹតរបស់មនុស្សម្នាក់បានដែរ។ ដូចនេះអ្នកអាចសាកល្បងក្តាប់ដៃរបស់អ្នក ថាតើអ្នកស្ថិតក្នុងប្រភេទមួយណាដែរក្នុងចំណោមប្រភេទទាំង៣ខាងក្រោមនេះ។
ទម្រង់ទី១
ប្រសិនជាអ្នកមានកណ្តាប់ដៃបែបនេះ ទោះបីជារឿងនេះអាចនាំទុក្ខដល់អ្នក ក៏អ្នកនៅតែជួយអ្នកដទៃដែរ។ អ្នកគឺជាមនុស្សដែលចូលចិត្តរៀន មានកម្លាំងមាំមួន ប៉ុន្តែគ្មានចិត្តអំណត់។ ហើយនៅក្នុងចិត្តអ្នកដទៃ អ្នកគឺជាមនុស្សដែលហ៊ានផ្សងព្រេង។ អ្នកជាបុគ្គលដែលខ្វះអារម្មណ៍សុវត្ថិភាព ដូចនេះអ្នកសង្ឃឹមចង់មានមនុស្សការពារអ្នក និងអាចទទួលយកអ្នក ដោយសារតែហេតុផលនេះហើយ មានមនុស្សមួយចំនួនបានប្រើចំនុចនេះដើម្បីធ្វើបាបអ្នក។ ប៉ុន្តែដោយសារតែអ្នកជាមនុស្សដែលមានភាពរឹងមាំក្នុងចិត្ត អ្នកមិនងាយបោះបង់គំនិតជឿជាក់លើអ្នកដទៃឡើយ ហើយនៅពេលដែលឃើញអ្នកដទៃលំបាក គឺនៅតែជួយជានិច្ច គ្រាន់តែមានភាពប្រយ័ត្នជាងមុន។
ទម្រង់ទី២
អ្នកគឺជាមនុស្សដែលមានចរឹតងាយទាក់ទាញអ្នកដទៃណាស់។ អ្នកជាបុគ្គលដែលមានជំនឿចិត្ត និងទំនុកចិត្តលើខ្លួនឯង ថែមទាំងមានស្មារតីខិតខំប្រឹងប្រែងទៀតផង ដូចនេះអ្នកជាមនុស្សដែលអាចដឹកនាំអ្នកដទៃបាន ប៉ុន្តែដោយសារតែអ្នកខ្លាចបរាជ័យ ដូចនេះអ្នកតែងតែឃុំខ្លួនឯងទុក។ អ្នកត្រូវការការសរសើរ និងការទុកចិត្តពីអ្នកដទៃ ទោះបីជាគ្មាននរណាធ្វើបែបនេះក៏អ្នកនៅតែជឿជាក់លើខ្លួនឯងដែរ។
ទម្រង់ទី៣
អ្នកគឺជាបុគ្គលដែលមានភាពឆ្លាតវៃ ប៉ុន្តែមានភាពខ្មាសអៀនបន្តិច ដូចនេះចំនុចល្អរបស់អ្នកនឹងមិនសូវមានអ្នកដឹងឡើយ។ មានមនុស្សមួយចំនួនគិតថាអ្នកជាមនុស្សដែលមិនងាយមានទំនាក់ទំនងជាមួយអ្នកដទៃឡើយ នេះសុទ្ធតែជាការយល់ខុសទាំងអស់។ អ្នកជាមនុស្សដែលមានគំនិតចាស់ទុំ អាចគ្រប់គ្រងខ្លួនឯងបានល្អ ហើយក៏ទាមទារខ្លួនឯងធ្វើបានល្អឥតខ្ចោះដែរ។ គ្មានអ្វីដែលអាចរំខានដល់ចិត្តអ្នកបានឡើយ ដូចនេះមនុស្សដែលនៅជុំវិញខ្លួនអ្នកនឹងមានអារម្មណ៍សុខស្រួល៕