Join with Health.com.kh on Telegram

​ដប​រក្សា​កម្តៅ​គឺជា​ដប​ទឹក​ដែល​គេ​ប្រើ​សម្រាប់​រក្សា​កម្តៅ​ទឹក​ឲ្យ​វា​ក្តៅ​បានយូរ ប៉ុន្តែ​មាន​អ្នក​ខ្លះ​បែរជា​យក​វា​ទៅ​ច្រក​ភេសជ្ជៈ​ផ្សេង​ទៅវិញ​។ តើ​អ្នកដឹង​ទេ​ថា​វា​អាច​ប៉ះពាល់​ដល់​សុខភាព​អ្នក​ប៉ុណ្ណា​? ខាងក្រោម​នេះ​យើងខ្ញុំ​នឹង​ប្រាប់​អ្នក​ពី​ភេសជ្ជៈ​ទាំង​៣​ប្រភេទ​ដែល​អ្នក​មិន​អាច​ច្រក​បាន​។ តើ​មាន​អ្វី​ខ្លះ​ទៅ​?

មិន​អាច​ដាក់​ភេសជ្ជៈ​ដែល​ជូរ​
នៅពេល​ដែល​ដប​នោះ​ត្រូវ​ភេសជ្ជៈ​ដែល​មាន​ជាតិ​ជូរ​ខ្លាំង វា​នឹង​បញ្ចេញ​សារធាតុ​ម្យ៉ាង​ដែល​អាច​ធ្វើឲ្យ​អ្នក​មាន​ជំងឺ​មហារី​កសួត ឬ​ស្បែក​ជាដើម​ក្រោយពេល​ដែល​អ្នក​ផឹក​ក្នុង​រយៈពេល​យូរ​ដោយ​ប្រើ​ដប​នេះ​។​

មិន​អាច​ដាក់​ទឹកដោះគោ​
មាន​មនុស្ស​មួយចំនួន​តែងតែ​ច្រក​ទឹកដោះគោក្តៅ​ទៅក្នុង​ដប​នោះ ប៉ុន្តែ​តើ​អ្នក​ដឹង​ទេ​ថា នៅពេល​ដែល​អ្នក​ធ្វើ​បែប​នេះ វា​នឹង​អាច​ធ្វើឲ្យ​អ្នក​ហើមពោះ ឈឺ​ពោះ ហើយ​នៅពេល​ដែល​វា​នៅក្នុង​ដប​នោះ វា​នឹង​អាច​បាត់បង់​វីតាមីន និង​សារធាតុចិញ្ចឹម ម្យ៉ាងទៀត​វា​ក៏​អាច​ធ្វើឲ្យប៉ះពាល់​ដល់​សុខភាព​អ្នក​ដូចគ្នា​។​

មិន​អាច​ឆុងតែ​
នៅពេល​ដែល​អ្នក​ឆុងតែ អ្នក​អាច​ប្រើ​ទឹក​ត្រឹម​៨០​អង្សា​សេ​មក​ឆុង​ប៉ុណ្ណោះ ប៉ុន្តែ​បើ​អ្នក​ឆុង​ក្នុង​ដប​រក្សា​កម្តៅ វា​ប្រៀបដូចជា​អ្នក​កំពុងតែ​ប្រើ​ភ្លើង​តូច​ដើម្បី​ដាំ​តែ​អញ្ចឹង ដូចនេះ​វា​នឹង​ធ្វើឲ្យ​តែ​នោះ​បាត់បង់​គុណភាព បាត់បង់​សារធាតុចិញ្ចឹម ថែម​ទាំង​អាច​បញ្ចេញ​នូវ​សារធាតុ​ដែល​អាច​ប៉ះពាល់​ដល់​សុខភាព​អ្នក​ទៀតផង​៕