Join with Health.com.kh on Telegram

​តើ​អ្នក​ធ្លាប់​សង្កេត​ឃើញ​ទេ​ថា​ការចងចាំ​របស់​អ្នក​គឺ​ខ្សោយ​ទៅៗ​ហើយ ថែមទាំង​មាន​ការ​ប្រតិកម្ម​យឺត​ទៀតផង ដែល​ធ្វើឲ្យប៉ះពាល់​ដល់​ការងារ និង​ការសិក្សា​ជាខ្លាំង ព្រោះ​អ្នក​គិត​បាន​យឺត ហើយ​គ្មាន​ការចងចាំ​បានល្អ តើ​នេះ​មកពី​មូលហេតុ​អ្វី​ទៅ​? ដូចនេះ​ខាងក្រោម​នេះ​យើងខ្ញុំ​នឹង​ប្រាប់​អ្នក​ពី​វិធី​ងាយៗ​ក្នុង​ការបង្កើន​ការចងចាំ​របស់​អ្នក​តាមរយៈ​ការ​ផឹកទឹក​។​

​តាមពិតទៅ​អ្នក​មាន​ការចងចាំ​ខ្សោយ ដោយសារ​តែ​អ្នក​មិនដឹង​ពី​ពេលវេលា​នៃ​ការ​ញ៉ាំ​ទឹក​តែប៉ុណ្ណោះ ព្រោះ​មាន​ពេលវេលា​ខ្លះ​គឺជា​ពេលវេលា​ដែល​សំខាន់​ណាស់​ក្នុង​ការ​ទទួលទាន​ទឹក បើ​អ្នក​រំលង​ពេលវេលា​ទាំងនោះ​ចោល អ្នកនឹង​មានការ​ចង​ចាំ​ខ្សោយ​ពី​មួយថ្ងៃ​ទៅមួយថ្ងៃ​។ ពេលវេលា​ដែល​អ្នក​គួរតែ​ញ៉ាំ​ទឹក​គឺ​ក្រោយពេល​ដែល​អ្នក​បរិភោគ​អាហា​រទាំង​៣​ពេល​រួច ដោយ​អ្នក​អាច​ទទួល​ទាន​ទឹក​ក្រោយពេល​ដែល​អ្នក​ពិសារ​បាយ​ហើយ​ចំនួន​កន្លះ​ម៉ោង ហើយ​ពេល​វេលា​ដែល​អ្នក​គួរតែ​ញ៉ាំ​ទឹក​គឺ​នៅ​ពេល​ព្រឹក​ក្រោយពេល​ក្រោក​ពី​គេង ព្រោះ​វា​ជា​ពេលវេលា​ដែល​ល្អ​បំផុត ដោយសារ​តែ​ក្រោយ​ពេល​ដែល​អ្នក​ញ៉ាំ​ទឹក​រួច វា​នឹង​ជួយ​ដាស​ក្រពះ និង​ពោះវៀន​អ្នក​ឲ្យ​ស្វា​ង ថែម​ទាំង​ជួយ​ធ្វើឲ្យ​ឈាម​អ្នក​មិន​សូវ​មានល​ក្ខ​ណៈ​ខាប់ និង​ដើរ​បាន​ស្រួល នោះ​វា​នឹង​ជួយ​ទៅ​ផ្គត់ផ្គង់​ខួរក្បាល​អ្នក​បាន​ល្អ ពេលវេលា​ចុងក្រោយ​គឺ​អ្នក​គួរតែ​ញ៉ាំ​ទឹក​នៅ​ពេល​យប់​មុន​គេង​ចំនួន​កន្លះ​ម៉ោង ដើម្បី​ឲ្យ​វា​រក្សា​លំនឹង​ក្នុង​រាងកាយ​អ្នក​នៅ​ពេល​ដែល​អ្នក​គេង នោះ​វា​នឹង​ជួយ​កាត់បន្ថយ​អត្រា​នៃ​ការកើត​គ្រួស​ក្នុង​តម្រងនោម​ជា​មិនខានឡើយ​។ ដូចនេះ​អ្នក​គួរតែ​ពិសារ​ទឹក​តាម​ពេលវេលា​ខាងលើនេះ នោះ​អ្នកនឹង​ចាប់ផ្តើម​មាន​ការចងចាំ​ល្អ​ជាង​មុន ហើយ​មិន​ខ្សោយ​ឡើយ ការងារ​របស់​អ្នក និង​ការសិក្សា​នឹង​រលូន​ទៅមុខ​៕