Join with Health.com.kh on Telegram

អ្នក​ពិតជា​មាន ភាពស្រស់ស្អាត បើ​ទោះជា​ខ្លួន​អ្នក​មិន​បានដឹង​ពី​វា​ក៏ដោយ​។ វា​មាន​នូវ​ចំណុច​ជា​ច្រើន ដែល​ខ្លួន​អ្នកមាន ហើយ​ពួក​វា​ពិតជា​ធ្វើអោយ​អ្នក ទទួលបាន​នូវ​ចំណាប់​អារម្មណ៍​ជាពិសេស ចំពោះ​បុរស​ជា ទី​ស្រលាញ់​របស់​អ្នក​។ ខាងក្រោម​នេះ គឺជា​ចំណុច​មួយចំនួន ដែល​អ្នក​គួរ​យកចិត្តទុកដាក់ នឹង​ពង្រឹង​វា បន្ថែមទៀត​។​


១. កែវភ្នែក​ដ៏​មាន​មន្ត​ស្នេហ៍​របស់​អ្នក​
​រាល់​បុរស​គ្រប់រូប តែងតែ​ចូលចិត្ត​ផ្តោតអារម្មណ៍ ជាពិសេស​ទៅលើ កែវភ្នែក​ដ៏​ស្រទន់​របស់​មនុស្ស​ស្រី​។ ភាព​ភ្លឺ​ថ្លា និង សម្រស់​មន្ត​ស្នេហ៍​កែវភ្នែក​ដ៏​ទាក់ទាញ ជាមួយនឹង​ការ​គូរត្រេ​ភ្នែក ឬ រោមភ្នែក​ង​វែង​ស្អាត គឺ​សុទ្ធតែ​ជា​ចំណុច​ដែល​គេ តែងតែ​យកចិត្តទុកដាក់​។ ពួកគេ តែ​សម្គាល់​ឃើញ​នូវ​ពន្លឺ កែវ​ភ្នែក​ទាំង​គូរ របស់​អ្នក នៅពេល​ដែល​អ្នក​សប្បាយ​ចិត្ត​, អារម្មណ៍​សោកសៅ​នៅក្នុង​កែវភ្នែក ឬ  មុខ​ជ្រួញ​ចិញ្ចើម​ដ៏ គួរអោយ​ស្រស់​ស្អាត​របស់​អ្នក​។ ពេលខ្លះ អ្នក​មិន​គួរ​ធ្វើការ​ផាត់មុខ ក្រាស់​ពេក​នោះទេ ជួនកាល​បុរស​ខ្លះ អាច​ស្រលាញ់ សម្រស់​ពី​ធម្មជាតិ​របស់​អ្នក​ជាង​។​
២. ស្នាមញញឹម​ដ៏​ទាក់ទាញ​របស់​អ្នក​
​គាត់​ស្រលាញ់​នូវ​ស្នាមញញឹម​របស់​អ្នក ជាពិសេស​នៅពេល ដែល​គាត់​ឃើញ​អ្នក​សប្បាយចិត្ត​។ តើ​មាន នរណាម្នាក់ ដែល​មិន​លង់​ស្នេហ៍ នឹង​ស្នាមញញឹម​ដ៏​ស្រស់ស្អាត​នោះ​? ដូចនេះ អ្នក​គ្រាន់តែ ធ្វើការ​សម្លឹង​ទៅ​ក្នុង​កញ្ចក់ និង រៀន​ញញឹម​អោយអស់ ចេញពី​ក្នុង​ចិត្ត ។​
៣. សម្រស់​មន្ត​ស្នេហ៍​នៃ​សក់​
​សក់ គឺជា​សម្រស់​ដ៏​ទាក់ទាញ​សម្រាប់​មនុស្ស​ស្រី ដូច្នេះ​វា​ពិតជា​សាក​សម សម្រាប់​អ្នក ក្នុងការ​ធ្វើ​កិច្ចការ គ្រប់បែបយ៉ាង ដើម្បី​ថែរក្សា​វា​អោយបាន​ល្អ​។ នៅពេល​ដែល​អ្នក ទម្លាក់​សក់ ដ៏​ស្រស់ស្អាត ដើរ​ជុំវិញ​គាត់ តើ​មាន​បុរស​ណា ដែល​អាច​ទប់​អារម្មណ៍​ថា មិន​អោយ​លង់​ស្រលាញ់​អ្នក បាន​នោះ​?
៤. ក្លិនក្រអូប​ប្រហើរ​នៃ​ដងខ្លួន​អ្នក​
​មនុស្ស​ប្រៀបបាន​ទៅនឹង កន្លង់​ដែល​តែង​ចង់​ស្រង់​ក្លិនក្រអូប របស់​បុប្ផា​។ ដូច្នេះ អ្នក​គប្បី​ចេះ​ថែរក្សា​ក្លិន​ខ្លួន អោយ​ឈ្ងុយ​ឈ្ងប់ ឬ មាន​ក្លិនក្រអូប​ប្រហើរ​ទៅតាម​ចំណង់​ចំណូលចិត្ត​របស់​អ្នក ។ ធ្វើយ៉ាងណា គឺ​ត្រូវ​ចេះ​មាន​អនាម័យ និង ចៀសវាង​នូវ​ក្លិន​ខ្លួន​មិនល្អ​។​
៥. ភាព​សប្បុរសធម៌​នៅ​ក្នុង​ចិត្ត​អ្នក​
​គាត់​នឹង ចាប់អារម្មណ៍​នូវ​ធាតុ​ពិត​របស់​អ្នក ជាជាង​នូវ​សម្រស់​ដែល​អ្នកមាន​នៅ​ខាងក្រៅ​។ គាត់​នឹង ស្រលាញ់​នូវ​ភាពកក់ក្តៅ និង អារម្មណ៍​នៃ​ចិត្ត​មេត្តាធម៌​របស់​អ្នក ចំពោះ​មនុស្ស​ជុំវិញខ្លួន​។
៦. ការនិយាយ​របស់​អ្នក​
​កាយវិការ និង ពាក្យពេជន៍ របស់​អ្នក គឺ​សុទ្ធតែ​អាច​ដក់​ជាប់​នៅក្នុង​អារម្មណ៍​របស់​គាត់​ជានិច្ច​។ អ្នក​គ្រាន់តែ មាន​ភាព​ជឿជាក់​លើ​ខ្លួនឯង និង និយាយ​អ្វី​ចេញពី​ក្នុង​ចិត្ត ដែល​ជា​អារម្មណ៍​ពិត របស់​អ្នក​ចំពោះ​គាត់ នោះ​គាត់​នឹង​យល់​ថា អ្នក​ជា​មនុស្ស​ស្រី​ដែល​សំខាន់​ក្នុង​ចិត្ត​របស់​គាត់ ប៉ុណ្ណា​ហើយ​។​
​ទាំងនេះ គឺជា​សុទ្ធតែជា​ចំណុច​សាមញ្ញៗ ដែល​មនុស្ស​ស្រី មួយចំនួន មើលរំលង និង មិន​បាន​ផ្តោត​សំខាន់​ទៅ​លើ​វា នោះទេ​។ ក្រៅពី​ភាពស្រស់ស្អាត​នៅលើ​រូបរាង​ខាងក្រៅ រូប​សម្រស់​ខាងក្នុង គឺ​ចរិត​និស្ស័យ និង សម្បត្តិ​ចរិយា គឺជា​អ្វី​ដែល​បុរស​គ្រប់រូប តែង​ប្រាថ្នា និង ស្រលាញ់​អ្នក​ពិត ៕