កាបូបលុយគឺជារបស់ដែលមនុស្សភាគច្រើនប្រើដើម្បីដាក់លុយនៅពេលដែលចេញទៅក្រៅ ដូចនេះបើអ្នកចង់នាំលាភកាន់តែច្រើនចូលក្នុងកាបូបលុយ តើគួរតែដាក់អ្វី ហើយជ្រើសរើសកាបូបលុយបែបណានោះទៅ?
នៅក្នុងកាបូបលុយអ្នកគួរតែដាក់អាំងប៉ាវ យ័ន ឬលុយអាំងប៉ាវដែលមនុស្សចាស់ឲ្យអ្នកនៅពេលចូលឆ្នាំចិន នោះអ្នកនឹងមានលុយកាន់តែច្រើនហូរចូលក្នុងកាបូបលុយអ្នក។ ជាងនេះទៅទៀត អ្នកត្រូវតែជ្រើសរើសកាបូបលុយដែលមានទម្រង់វែង ដែលពេលដាក់លុយទៅវាមិនបត់ ហើយត្រូវតែជ្រើសរើសខ្នាតដែលដាក់ចូលកាបូបធ្វើការអ្នក ចំណែកឯពណ៌វិញ អ្នកគួរតែជ្រើសរើសពណ៌ក្រហម សូកូឡា ខ្មៅ ឬពណ៌មាស មិនត្រឹមតែប៉ុណ្ណោះ អ្នកគួរតែជ្រើសរើសប្រើកាបូបស្បែក។ អ្នកត្រូវតែរៀបចំកាបូបអ្នកឲ្យមានរបៀប ដោយមិនត្រូវដាក់កាតធនាគារក្នុងនោះឲ្យលើសពី៨សន្លឹកនោះទេ ហើយក៏កុំដាក់របស់ផ្សេងៗក្រៅពីលុយដូចជា ៖ រូបថត ឬនាមប័ណ្ណជាដើម ហើយមួយទៅពីរអាទិត្យអ្នកត្រូវតែរៀបចំកាបូបលុយនេះម្តង ដោយប្រើអស់រយៈពេលពី២ទៅ៣ឆ្នាំត្រូវតែប្តូរកាបូបថ្មី ប្រសិនជាអ្នកអាចធ្វើបែបនេះបាន នោះកាបូបអ្នកនឹងមានលុយកាន់តែច្រើនឡើងៗជាមិនខានឡើយ៕