Join with Health.com.kh on Telegram

នៅពេល​អ្នក​ចង់ដឹងថា តើ​បុរស​ម្នាក់​នោះ​ជាម​នុស្ស​គួរ​ឲ្យ​សេពគប់ ឬ​អត់​? អ្នក​អាច​សង្កេតមើល​លក្ខណ​:​ខាងក្រៅ​របស់គេ​ដូចខាងក្រោម​:

១. ការ​ស្លៀកពាក់​
​បើ​ស្លៀកពាក់​ដដែលៗ​រៀងរាល់​ថ្ងៃនោះ បញ្ជាក់ថា គេ​ជាម​នុស្ស​មិនសូវមាន​មនោសញ្ចេតនា​ប៉ុន្មាន​ឡើយ តែ​អាចមាន​លក្ខណ​:​អ្វី​ពិសេស​ផ្សេង​ពីនេះ ។ ផ្ទុយទៅវិញ បុរស​តែងខ្លួន​បែប​លេង​ម៉ូត​នោះ​បញ្ជាក់ថា គេ​ជាម​នុស្ស​ឈ្លក់​វង្វេង​នឹង​ខ្លួនឯង មិនសូវ​ចាប់អារម្មណ៍​អ្នកដទៃ​ប៉ុន្មាន​ទេ ។ ចំណែក​ក្រុមមនុស្ស​ដែល​តែងខ្លួន​ដោយ​សម្លៀកបំពាក់​ថ្លៃៗ អាច​បញ្ជាក់ថា ពួកគេ​ជាម​នុស្ស​ចូលចិត្ត​លាក់​ចំណុចខ្សោយ​ខ្លួនឯង​ច្រើន ។​

២. ស្បែកជើង​
​បើជា​មនុស្ស​មិនសូវ​ចាប់អារម្មណ៍​ក្នុង​ការលេង​ម៉ូត​ស្បែកជើង​បញ្ជាក់ថា គេ​ជាម​នុស្ស​ដែល​មិន​ចាប់អារម្មណ៍​រឿង​តូចតាច​ដូចជា​ថ្ងៃកំណើត​របស់​អ្នក ឬ ថ្ងៃ​ខួបអាពាហ៍ពិពាហ៍​ជាដើម ។ ប៉ុន្តែ​បើ​គេ​ជា​មនុស្ស​ចាប់អារម្មណ៍​លើ​ស្បែកជើង ដូចជា​ប្រើ​ស្បែកជើង​ចងខ្សែ​បញ្ជាក់ថា គេ​ជាម​នុស្ស​ចូលចិត្ត​សប្បាយ​ជាមួយ​ការងារ​របស់​ខ្លួនឯង ។ ចំណែក​មនុស្ស​ដែល​ចូលចិត្ត​ស្បែកជើង​បែប​ស៊ក​ច្រើន​ជាម​នុស្ស​ប្រភេទ​សាមញ្ញ មិន​ចូលចិត្ត​ពិធីការ​ណាស់ណា​ទេ ។ ចំពោះ​មនុស្ស​ដែល​ពាក់​ស្បែកជើង​កីឡា តែង​ចូលចិត្ត​ជីវិត​បើកចំហ មិនសូវ​ចេះ​លាក់លៀម ។​

៣. តែងខ្លួន​មិន​ស៊ីគ្នា​នឹង​ខ្លួនប្រាណ​
​មនុស្ស​ប្រភេទ​នេះ​បញ្ជាក់ថា គេ​ជា​មនុស្ស​មានការ​ជឿជាក់​លើ​ខ្លួនឯង​ខ្ពស់ និង ចូលចិត្ត​សប្បាយ​ពេលទំនេរ ។ ចំណែក​មនុស្ស​ដែល​ញៀន​អ៊ី​ន​ធើ​ណេ​ត​បញ្ជាក់ថា គេ​ជាម​នុស្ស ដែល មិន​ចូលចិត្ត​សង្គម (​លើកលែងតែ​រឿង​សប្បាយ​) ។ មនុស្ស​ដែល​ពាក់​វ៉ែនតា​ការពារ​ពន្លឺ​ថ្ងៃ​ក្នុង​ទី​ម្លប់ ជា​មនុស្ស​ដែល​តែង​កោតសរសើរ​ពី​ខ្លួនឯង ។​

៤. ចូលចិត្ត​កាច់​ម្រាមដៃ​ម្រាមជើង​ខ្លួនឯង​
​ច្រើន​ជាម​នុស្ស​ដែល​ខ្វល់ខ្វាយ និង តែងតែ​សម្តែង​ភាព​រឹងប៉ឹង​ចេញមក​ទាំង​មិនដឹង​ខ្លួន ។​

៥. ចូលចិត្ត​ផ្អែក​ខ្លួន​ទៅ​បង្អែក​កៅអី​ខាងក្រោយ​ពេល​និយាយ​គ្នា​
​ជា​មនុស្ស​បើកទូលាយ​ទទួល​អ្វីៗ​ដែល​ឆ្លងកាត់​ជីវិត​របស់​ខ្លួនឯង ។ គេ​មាន​ជំនឿ​ជឿជាក់​ក្នុង​ខ្លួន​ខ្ពស់ និង អាច​សប្បាយចិត្ត​គ្រប់​ស្ថានការណ៍ ។​

៦. គ្រឿង​លម្អ​កាយ​
​នាឡិកា​ដែល​គេ​ពាក់​ជា​យីហោ​ល្បីឈ្មោះ ដូចជា រ៉ូ​ឡិ​ក រ៉ា​ដុ ឬ អូ​មេ​ហ្គា បញ្ជាក់ថា គេ​ជាម​នុស្ស​ចូលចិត្ត​ហ៊ឺហា និង មិន​ខ្វល់ខ្វាយ​ពី​រូបសម្បត្តិ​ខ្លួនឯង ។ សម្រាប់​បុរស​ដែល​ពាក់​នាឡិកា​គ្មាន​យីហោ​បញ្ជាក់ថា គេ​ជាម​នុស្ស​សាមញ្ញ​មិន​ចូលចិត្ត​អួត​ច្រើន ។​

៧. ចូលចិត្ត​បង្ហាញ​ទូរស័ព្ទ​ដាក់​ខាងក្រៅ​
​ដូចជា​ដាក់​សៀត​នៅត្រង់​ចង្កេះ ឬ កាន់​ដើរ​ញឹកញាប់​បញ្ជាក់ថា គេ​ត្រូវការ​បង្ហាញខ្លួន​ជា​មនុស្ស​សំខាន់ និង ច្រើន​ឈ្លក់​វង្វេង​ខ្លួនឯង ។ មនុស្ស​ដែល​ចូលចិត្ត​ពាក់មួក​ជា​មនុស្ស​ដែល​ងាយស្រួល មិនមាន​ពិធីការ​អ្វី​ស្មុគស្មាញ​ច្រើន ៕