នរណាខ្លះ មិនចូលចិត្តដករោម? មនុស្សច្រើនណាស់ មិនចូលចិត្តដករោមដៃ រោមជើង រោមក្លៀក … នោះឡើយ ពីព្រោះតែពួកគេខ្លាចឈឺ និងបង្កបញ្ហា ចំពោះសុខភាពស្បែក។ ប៉ុន្តែ តើអ្នកដឹងច្បាស់ឬទេថា ការដករោម ផ្តល់ផលល្អ ឬអាក្រក់ទៅ?
ការដករោម អាចមានផលល្អ ដូចជា ៖
- ធ្វើឲ្យស្បែកមានសភាពរលោង
- ការពាររោមដុសយូរពេក
- កម្ចាត់ការរលាកស្បែក និងស្នាមជាំដោយសារកម្តៅថ្ងៃ
- ព្យាបាលការរលាកស្បែក
- ធ្វើឲ្យស្បែកសជាងមុន។
ក្រៅពីអត្ថប្រយោជន៍ខាងលើ ការដករោម ក៏អាចបង្កជាបញ្ហា ចំពោះសុខភាពស្បែក និងសុខភាពទូទៅផងដែរ ដូចជា ៖
បាត់បង់ភាពយឺត និងភាពទន់ភ្លន់
ក្រៅពីបញ្ហានេះ ស្បែកអ្នកក៏អាចជួបបញ្ហាជ្រីវជ្រួញ រមាស់ និងបាត់បង់សំណើមផងដែរ។
កន្ទួល និងរមាស់ស្បែក
បន្ទាប់ពីដករោមរួច ស្បែកអ្នកអាចនឹងឡើងក្រហម និងរមាស់ ហើយឈានទៅរក ការឆ្លងមេរោគថែមទៀតផង។ យ៉ាងណាមិញ បើអ្នកជួបបញ្ហានេះ អ្នកអាចស្អំស្បែក នឹងទឹកកកបាន។
ការឆ្លងមេរោគ
បញ្ហាដែលគេឧស្សាហ៍ជួបប្រទះដែរ គឺការឆ្លងមេរោគ ដែលធ្វើស្បែកអ្នករមាស់ ឬឡើងក្រហមខ្លាំងយូរថ្ងៃ។
ស្បែកមិនដុស
នេះជាបញ្ហាដែលគេជួបញឹកញាប់ គឺថា ក្រោយពេលដករួច រោម ឬសក់នឹងស្ទះ នៅរន្ធញើសដែលអ្នកបានដក ដែលជាហេតុធ្វើឲ្យពកជាដុំ ឡើងខ្មៅ ឬក្លាយជាខ្ទុះតូចៗទៀតផង៕
