អាយុរបស់មនុស្សស្រីបើនិយាយនៅដំណាក់កាលបង្កើតកូនគឺសំខាន់ណាស់ ព្រោះបើអ្នកមានផ្ទៃពោះនៅអាយុរាងច្រើន វាអាចមានគ្រោះថ្នាក់ច្រើន។ ដូចនេះតើអាយុប៉ុន្មានមានផ្ទៃពោះល្អនោះ?
អាយុ២០ឆ្នាំឡើងទៅ
នៅពេលដែលអ្នកស្ថិតក្នុងអាយុនេះហើយមានផ្ទៃពោះ អត្រានៃការរលូតកូនគឺទាប សុខភាពអ្នកមិនងាយមានជំងឺផ្សេងៗឡើយ មានកម្លាំក្នុងការមើលថែកូន ហើយងាយត្រឡប់មករូបរាងដើមក្រោយពេលសម្រាលរួច។
អាយុ៣០ឆ្នាំឡើងទៅ
នៅពេលដែលអ្នកមានកូននៅអាយុនេះ ក្រោយពេលដែលអ្នកសម្រាលរួច អ្នកអាចងាយត្រឡប់មកមានរាងស្អាតដូចដើមបានលឿនដូចអាយុ២០ឆ្នាំឡើងទៅ ហើយអ្នកអាចនឹងមានការអប់រំល្អជាងនៅពេលដែលកើតកូននៅក្មេងពេក ព្រោះអ្នកមានអាយុ៣០ឆ្នាំជាង ដូចនេះអ្នកមានបទពិសោធន៍ច្រើនក្នុងជីវិត ជាហេតុដែលអាចធ្វើឲ្យកូនអាចក្លាយជាក្មេងល្អ ហើយចំណូលក៏មិនបាច់បារម្ហដែរ ដោយសារតែអ្នកមានការងារដែលនឹងនររួចមកហើយ ប៉ុន្តែអត្រានៃការរលូតកូនគឺខ្ពស់ ហើយក៏ងាយកើតមុនខែដែរ ថែមទាំងងាយមានជំងឺលើសសម្ពាធឈាម និងទឹកនោមផ្អែម។
អាយុ៤០ឆ្នាំឡើងទៅ
នៅពេលដែលអ្នកបង្កើតកូននៅអាយុនេះ ចំណូល ការអប់រំ និងការមើលថែគឺមិនបាច់បារម្ហឡើយ ព្រោះអ្នកមានភាពនឹងនរក្នុងគ្រួសាររួចមកហើយ ប៉ុន្តែអត្រានៃការរលូតកូនគឺខ្ពស់ដល់១៣ទៅ១៥% កូនក៏ងាយមានជំងឺតំណពូជដែរ ហើយនៅពេលដែលអ្នកមានអាយុ១០ឆ្នាំជាង អ្នកមានអាយុ៥០ឆ្នាំជាងទៅហើយ៕