Join with Health.com.kh on Telegram

​នៅពេល​ដែល​អ្នក​ផឹក​ទឹកតែ អ្នក​គួរតែ​ប្រយ័ត្ន​ពី​អាហារ​មួយ​ចំនួន ព្រោះ​មាន​អាហារ​ខ្លះ​អ្នក​មិន​អាច​ពិសារ​ជា​មួយ​ទឹកតែ​បានឡើយ បើ​ពុំ​ដូច្នោះ​ទេ វា​នឹង​អាច​បំផ្លាញ​ក្រលៀន​អ្នក​យ៉ាង​ងាយ​បំផុត​។ តើ​មាន​អាហារ​អ្វី​ខ្លះ​ទៅ​?

​ថ្នាំ​
​នៅពេល​ដែល​អ្នក​ផឹក​ថ្នាំ អ្នក​មិន​ត្រូវ​ប្រើ​ទឹកតែ​ដើម្បី​ផឹកថ្នាំ​នោះទេ ព្រោះ​នៅក្នុង​ទឹក​តែ​មាន​សារធាតុ​ល្វីង​ចត់ និង​មាន​ជាតិ​កាហ្វេ​អ៊ី​ន​ដែល​អាច​ធ្វើឲ្យ​មាន​ប្រតិកម្ម​ជា​មួយថ្នាំ​ទាំងនោះ ជាងនេះទៅទៀត វា​ក៏​អាច​ធ្វើ​ឲ្យ​ថ្នាំ​នោះ​ប្រែជា​ខ្សោយ ដែល​មិន​អាច​ជួយ​ព្យាបាល​ជំងឺ​អ្នក​បាន​ឡើយ ដូចនេះ​អ្នក​គួរតែ​ប្រើ​ទឹក​ធម្មតា​មក​ផឹក​ទៅ​បាន​ហើយ​។​​

ស្រា​
​មាន​មនុស្ស​មួយចំនួន​នៅ​ពេល​ដែល​ស្រវឹងស្រា​ម្តងៗ​តែងតែ​ប្រើ​ទឹកតែ​ដើម្បី​អាច​ធ្វើឲ្យ​ខ្លួន​ស្វា​ង​ពី​ស្រា ប៉ុន្តែ​តើ​អ្នក​ដឹង​ទេ​ថា វា​អាច​ប៉ះពាល់​ដល់​ក្រលៀន​អ្នក​យ៉ាងណា វា​អាច​បំផ្លាញ​យ៉ាង​ងាយ​បំផុត វា​ក៏​អាច​ធ្វើឲ្យ​អ្នក​ឈឺ​នៅពេល​ដែល​បត់ជើងតូច​ផងដែរ ដូចនេះ​អ្នក​មិន​គួរប្រើ​ទឹកតែ​ដើម្បី​ស្វាង​ស្រា​ទេ អ្នក​អាច​ប្រើ​ទឹក​ផ្លែឈើ ឬ​វិធី​ផ្សេង​ដើម្បី​ស្វាង​ស្រា​បាន ទើប​វា​មិន​អាច​ប៉ះពាល់​ដល់​សុខភាព​អ្នក​។​

សាច់​ពពែ​
​ថ្វី​ត្បិត​តែ​នៅក្នុង​សាច់​ពពែ​មាន​ប្រូតេអ៊ីន​ជាច្រើន​ដែល​ល្អ​ចំពោះ​សុខភាព​អ្នក ប៉ុន្តែ​បើ​អ្នក​បរិភោគ​វា​ជាមួយ​ទឹកតែ​ដែល​មាន​សារធាតុ​ចត់ វា​នឹង​ធ្វើឲ្យ​ពោះវៀន​អ្នក​ដំណើរការយឺត ថែម​ទាំង​អាច​ធ្វើឲ្យ​អ្នក​ងាយ​មាន​ជំងឺទល់លា​មក​ផង​ដែរ ដូចនេះ​នៅក្រោយពេល​ដែល​អ្នក​ពិសារ​សាច់​ពពែ​រួច អ្នក​មិន​ត្រូវ​ផឹក​តែ​ភ្លាម​នោះ​ទេ អ្នក​គួរតែ​ចាំ​ក្រោយ​ពេល​ពី​២​ទៅ​៣​ម៉ោង​ទើប​អាច​ទទួល​ទាន​ទឹកតែ​បាន​៕