Join with Health.com.kh on Telegram

ការឈឺ​នៅទីនេះ​សម្តៅ​ដល់​ជំងឺ​ផ្សេងៗ​គ្នា ហើយ​ការ​តម​អាហារ​ក៏​មាន​លក្ខណៈ​ខុសគ្នា​ដែរ មាន​ជំងឺ​ខ្លះ​អ្នក​អាច​បរិភោគ​អាហារ​ប្រភេទ​នេះ ឯ​ជំងឺ​ខ្លះ​មិន​អាច​ឡើយ​។ ដូចនេះ​តើ​ជំងឺ​អ្វី​គួរតែ​តម​អាហារ​អ្វី​ទៅ​?

​ជំងឺ​ក្អក​
​នៅពេល​ដែល​អ្នក​ក្អក អ្នក​មិន​អាច​ពិសារ​អាហារ​មួយ​ចំនួន​ដូចជា ៖ ការ៉េម ក្រូច​ឃ្វិច អាហារ​ដែល​បំពង​ខ្លាញ់ អាហារ​ដែល​ដុត ឬ​អាំង អាហារ​ដែល​ហិរ សណ្តែកដី ស្រា និង​បង្អែម​បានទេ​។​

ជំងឺ​រលាក​ក្រពះ​
​អាហារ​ដែល​អ្នក​មិន​អាច​ពិសារ​បាន​មាន ៖ អាហារ​ដែល​ត្រជាក់ គ្រឿង​សមុទ្រ អាហារ​ដែល​ជូរ បង្អែម អាហារ​ដែល​មាន​ខ្លាញ់​ច្រើន ស្រា ម្ទេស និង​បាយដំណើប​។​​

ជំងឺ​បេះដូង​
​នៅពេល​ដែល​អ្នក​មាន​ជំងឺ​បេះដូង អ្នក​គួរតែ​កុំ​ផឹក​តែ និង​កាហ្វេ​ច្រើនពេក ហើយ​មិន​ត្រូវ​បរិភោគ​អាហារ​ច្រើនពេក​ដែរ ម្យ៉ាងទៀត​អាហារ​ដែល​មាន​កាឡូរី​ខ្ពស់ និង​ប្រៃ​ពេក​ក៏​មិន​អាច​ពិសារ​បាន​ដូចគ្នា​។​

​ជំងឺ​ទឹកនោម​ផ្អែម​
​នៅពេល​ដែល​អ្នក​មាន​ជំងឺ​ប្រភេទ​នេះ អ្នក​មិន​អាច​បរិភោគ​ពពួក​សណ្តេក បង្អែម ស្រា អាហារ​ដែល​មាន​ខ្លាញ់​ច្រើន អាហារ​ដុត​ឬ​អាំង​ជាដើម​។​

ជំងឺ​ខ្វះ​ឈាម​
​នៅពេល​ដែល​អ្នក​ខ្វះ​ឈាម អ្នក​មិន​អាច​ពិសារ​ពោត ហើយ​ត្រូវតែ​ហាត់ប្រាណ​ឲ្យបាន​ច្រើន​។​

​ជំងឺ​លើស​សម្ពាធ​ឈាម​
​នៅពេល​ដែល​អ្នក​មាន​ជំងឺ​លើស​សម្ពាធ​ឈាម​នេះ អ្នក​មិន​អាច​ពិសារ​ប្រៃ​ពេក​ទេ ហើយ​ស៊ុត​ផ្នែក​លឿង​ក៏​មិន​អាច​ប៉ះ​ដូចគ្នា ជាពិសេស​ពពួក​ថ្លើម​សត្វ​៕