នៅពេលដែលអ្នកក្រោកពីគេងរៀងរាល់ព្រឹក អ្នកគួរតែរំលឹកខ្លួនឯងពីរឿងមួយចំនួនដែលអ្នកគួរតែធ្វើ ព្រោះវាសុទ្ធតែជារឿងដែលល្អសម្រាប់អ្នក។ តើមានអ្វីខ្លះទៅ?
- មុខត្រូវតែមានស្នាមញញឹមជានិច្ច ព្រោះវាអាចជួយនាំសំណាងមកឲ្យអ្នកបាន។
- មិនត្រូវយកចិត្តទុកដាក់ចំពោះសម្តីរបស់អ្នកដទៃច្រើនពេកនោះទេ ព្រោះវាអាចបំផ្លាញអារម្មណ៍របស់ខ្លួនបាន។
- ត្រូវតែរកពេលវេលាដើម្បីនិយាយជាមួយមនុស្សចាស់ដែលមានអាយុលើសពី៧០ឆ្នាំ ហើយកូនក្មេងដែលមានអាយុក្រោម៦ឆ្នាំ នោះអ្នកនឹងអាចទទួលបានចំណេះដឹងជាច្រើនពីពួកគាត់។
- មិនត្រូវចំណាយពេលវេលាឥតប្រយោជន៍និយាយដើមអ្នកដទៃឡើយ អ្នកគួរតែប្រើពេលវេលានេះដើម្បីបំពេញការងារវិញទើបល្អ។
- ត្រូវតែបំភ្លេចរឿងដែលមិនសប្បាយចិត្តទាំងអស់ ហើយរស់នៅក្នុងបច្ចុប្បន្នកាល ដោយមិនត្រូវរស់នៅក្នុងអតីតកាលឡើយ។
- ត្រូវតែអានសៀវភៅឲ្យបានច្រើនជារៀងរាល់ថ្ងៃ ដើម្បីបង្កើនចំណេះដឹងរបស់ខ្លួន។
- មិនខ្វល់ថាពិបាកចិត្តយ៉ាងណាទេ ប៉ុន្តែត្រូវតែតុបតែងខ្លួនឲ្យស្អាត ដើម្បីចេញទៅក្រៅ៕